అన్నకోసము చెల్లి యెంతయు
కష్టపడుటయె నిజము ఐనచొ
చూడుడీ శర్మిల ప్రియాంకల
వైఖరుల నిచటన్!
జగనుకోసము శర్మిలయె, మరి
రాహులునకై ఆ ప్రియాంకయు
చూడముచ్చటగా ప్రచారము
చేసిరోయయ్యా!
ముఖ్యమంత్రి, ప్రధానమంత్రియు
అగుటకొరకై కష్టమైనను
ఈ ప్రచారము చేసి వారలు
ప్రజల కోరిరయా!
వారు మాత్రము పోటిచేయరు
వారి తల్లులు ఎంపిలౌటకె
వారి భర్తలు వివాదములలొ
ముఖ్యులే అన్నల్!
చూడగా ఈ పోలికలు ద
గ్గరగనున్నవి ఇరువురకునిక
వారి కోర్కులు నెగ్గగలవో
నెగ్గవో కనుడీ!
ఏది ఏమైనను ప్రజలు తమ
మనసు మెచ్చిన మంచివారికె
వోటు వేసియు గెలువజేతురు
వారలే రాజుల్!
*** *** *** ***
ఇదే అంశంలో మరిన్ని వివరలకై:
(ఆంధ్రప్రభ దినపత్రిక సౌజన్యంతో...)
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి