సాగదీత...కుట్రేనా?

అదిగో వచ్చెను తెలగాణా బిల్!

వచ్చెనసెంబ్లీ చర్చలకొరకై!

ఒకటో రెండో మూడు రోజులో

సమయం పట్టును చర్చలకొరకై!

కానీ, బిల్లుకు ప్రెసిడెంటిచ్చెను

ఆరువారముల సమయమ్మిప్పుడు!!

ఇంత సమయమ్ము నిచ్చుట కేదో

బలమైన కారణమ్ముండవలెనయా!

అనుమానమ్మెదొ పొడసూపెను మది!

కాలమిచ్చి యిక సాగదీయుటకె

కాదుగదా సీమాంధ్రుల కుట్రల

లాబీయింగుల మహిమమ్మిదియే?

కేంద్రము పూనిన కార్యము చక్కగ

సకాలమ్ములో నెరవేరును గద!

భేషు భేషనును తెలగాణమ్మే!

దీప్తిమంతమై కాంగ్రెసు వెలుగును!!

త్వరత్వరగా చర్చల జరిపించియు

కేంద్రముకంపగ యత్నించుటయే

ముందరనున్న మహత్కార్యమ్మిది!

తాత్సారమ్మిక చేయగనేలా?

కుట్రచేయుచో తిప్పికొట్టెదము!

మంచికేయైన కొనియాడెదము!

త్వరగా తేల్చుడు వారములోనే

త్వర త్వర త్వర త్వర త్వర త్వరగా!!

జై తెలంగాణ!   జై జై తెలంగాణ!

మాయకుల నిలుపు! అమాయకుల గెలుపు!

అమర వీరుల తలపు

స్వీయ రాష్ట్రపు గెలుపు

ఘన చరిత్రకు మలుపు

నా తెలంగాణ!

మనకు స్వేచ్ఛను దెచ్చు

స్వీయ కాంక్షల నిచ్చు

సకల జనులును మెచ్చు

నా తెలంగాణ!

మనదె యిక పాలనము

సంస్కృతుల మేళనము

సన్మార్గ శోధనము

నా తెలంగాణ!

ఇచటి కొలువులు మనవె

ఇచటి నిధులును మనవె

ఇచటి నీళ్ళును మనవె

నా తెలంగాణ!

దౌర్జన్య నాశకము

సౌజన్య పోషకము

సందీప్త భాజకము

నా తెలంగాణ!

జై తెలంగాణ!   జై జై తెలంగాణ!

ఆశ...దోశ...అప్పడం...వడ...

సమైక్యాంధ్రయె వలయునంచును

తెలంగాణము బిల్లు వచ్చిన

అసెంబ్లీలో ఓడజేతుమ

టంచు పలుకకయా!

బిల్లు వచ్చిన చర్చ సేయుడు!

రాదు ఓటింగునకు నదియే!

ఆర్టికలు మూడునను నిదియే

చెప్పబడెనయ్యా!

అవిశ్వాసమదేమియైనను

పార్లమెంటున తెలంగాణము

బిల్లు పెట్టుట తథ్యమయ్యా!

కండ్లు తెరువుడయా!

గౌరవము కాపాడుకొని మీ

రిట్టి బిల్లును చర్చ సేయుడు!

పెద్దరికమును నిలుపుకొనుడయ!

వెలిగిపోవుడయా!

జై తెలంగాణ! జై జై తెలంగాణ!

గాలిని పిడికిట్లో బంధించగలరా?

  

సమైక్యాంధ్ర సమైక్యాంధ్ర

సమైక్యాంధ్ర అనగానే

సమైక్యాంధ్ర అవుతుందా?

దీనర్థం మీకు తెలుస?

తెలంగాణ అరువదేండ్లు

కష్టాలను ఎదుర్కొంది!

రాష్ట్రం కావాలన్నది!

మీకందరికిది తెలుసును!

అజ్ఞానం కారణముగ

దోపిడీకి గురియైనది!

మోసాలను తెలుసుకొనీ

రాష్ట్రం కావాలన్నది!

దోపిడీకి రుచిమరిగిన

దొంగలు దోచగ దానిని

రాష్ట్రం కాకుండా అడ్డి,

దౌర్జన్యం చేయుచుండ్రి!

పోరాటం ఫలితంగా,

బలిదానం ఫలితంగా,

కేంద్రము ప్రకటించెను

తెలంగాణ నవరాష్ట్రము

త్వరలోనే చేసెదమని!

ఇంత చరిత్రము ఉన్న

తెలంగాణ ఈ దశలో

సమైక్యాంధ్ర అనగానే

తోక ఊపి వస్తుందా?

స్వార్థపరుల మోసాలకు

మరల మరల గురియౌనా?

మీ గారడి వేషాలకు

తెలంగాణ బలియౌనా?

రాష్ట్రం విడిపోవునయా,

రెండు రాష్ట్రములుగ మారు!

రెంటిని అభివృద్ధి పరుప

ప్రణాళికల రచియింపుడు!

ఉద్యమాలు మానుడు!

అభివృద్ధిని సాధింపుడు!!

జై తెలంగాణ!   జై జై తెలంగాణ!

కర్రు కాల్చి వాత పెడతారు!

నాల్గు రాష్ట్రాలందు కాంగ్రెసు

శృంగ భంగమ్మాయె నిప్పుడు!

కారణమ్మెదియౌనొ తెలియగ

బూనుకొనుడయ్యా!

ఎన్నియో అభివృద్ధి కరమగు

సేవలను అందించినామని

జబ్బచరువకు! పేదప్రజకవి

అందలేదయ్యా!

అట్లె ఇప్పుడు తెలంగాణలొ

బడుగు ప్రజలిపుడడుగుతున్నది

ఆంక్షలేనిది అచ్చమైనది

తెలంగాణమ్మే!

హైదరాబాద్ పైని ఆంక్షలు

పెట్టకుండా, శాంతిభద్రత

తెలంగాణకు అప్పగించుట

సముచితమ్మయ్యా!

అప్పులను పంపకము ప్రాజె

క్టులకు చేసిన ఖర్చు ఆధా

రముగ జేయుడు! లేనిచో అది

దోషమే సుమ్మీ!

ఆస్తులవి నైజాము ప్రభువుల

కాలపువి మరి తెలంగాణవె!

ఢిల్లి ఏ.పీ. భవనమే మా

తెలంగాణదయా!

గతములో ఇట అక్రమముగా

కొలువులంది, రిటైరులందిన

ఆంధ్ర వారికి పెన్షనిచ్చుట

ఆంధ్రరాష్ట్రముదే!

నేడు కూడా అక్రమముగా

కొలువులందిన ఆంధ్రవారల

నాంధ్రకే బదిలీలు చేయగ

వలయునోయయ్యా!

ఇచటి ఉన్నత విద్యలందున

రిజర్వేషను పాతపద్ధతి

జరుపబూనుట అక్రమమ్మే!

మార్పుచేయుడయా!

ఆరు నూరైన నిక ఆంధ్రకు

తెలంగాణకు పొత్తు పెట్టుట

ఓర్చుకొనము, సహింపబోము!

పొత్తు వలదయ్యా!

ఎవరి హైకోర్ట్ వారికే యుం

డంగ వలెనయ! పొత్తులున్నచొ

తెలంగాణకు నష్టమగునయ!

వేరు చేయుడయా!

ఇర్వదెనిమిది రాష్ట్రములలో

కేంద్ర రాష్ట్రము బంధమెట్టుల

నుండెనో, తెలగాణకట్టుల

ఉండవలెనయ్యా!

అరువదేడుల నుండి ప్రజలిట

కోరుచుండిన తెలంగాణము

ఆంక్షలును లేకుండ నిత్తుర,

లేక ఓడుదురా?

తెలంగాణా ప్రజల కోరిక

తీర్చకుండిన ఓడిపోదురు!

న్యాయమీయుడు! గెలుపు పొందుడు!

వెలిగిపోవుడయా!

జై తెలంగాణ!    జై జై తెలంగాణ!

మళ్ళీ అవే కూతలు!

తెలంగాణ రాష్ట్ర మిడగ

కేంద్రము సమకట్టగాను,

అసెంబ్లీకి బిల్లు రాగ

నోడింతుమనంగ నేల?

బిల్లు పైన చర్చ జరిపి,

కేంద్రమునకు పంపకుండ,

ఓటింగును జరిపెదనని

బీరమ్ములు పలుక నేల?

రాజ్యాంగములోని ఆర్టి

కలు మూడు ప్రకార మిపుడు

చర్చ చేయవలెను గాని,

ఓటింగ్ అనవసరమె కద!

తెలంగాణ రాష్ట్ర మిడిన

నక్సలైట్లు పెరిగెదరని

ప్రతి చోటను ప్రతి పూటను

మరల మరల వాగ నేల?

నీవుండే సొంత జిల్ల

చిత్తూరున ఉన్నయట్టి

పుత్తూరున ఉగ్రవాదు

లుండి తిష్ఠ వేయలేదె?

హైద్రబాదులోన బాంబు

ప్రేలుళ్ళరికట్టావా?

నీ పాలనలో జరిగిన

ఉగ్రవాదమాపావా?

తెలంగాణ నీళ్ళు దోచి, 

రాష్ట్రమేర్పడంగానే,

నీటి గొడవ లొస్తాయను

నంగనాచి కబుర్లేల?

తెలంగాణలో విద్యుత్

ప్లాంట్ల నేల పెట్టలేదు?

ఆంధ్రలోనె పెట్టగాను

మోసము చేయుట కాదా?

తెలంగాణ “కొలువు”లన్ని

దోచుకొనగ కుదుర దనియె

రాష్ట్ర మడ్డుకొందు నంచు

పలుకుచుంటి విది న్యాయమె?

తెలంగాణ “వనరు”లన్ని

దోచుకొనగ కుదుర దనియె

రాష్ట్ర మడ్డుకొందు నంచు

పలుకుచుంటి విది న్యాయమె?

తెలంగాణ “నిధు”లన్నియు

దోచుకొనగ కుదుర దనియె

రాష్ట్ర మడ్డుకొందు నంచు

పలుకుచుంటి విది న్యాయమె?

తెలంగాణ “నీళ్ళ”న్నియు

దోచుకొనగ కుదుర దనియె

రాష్ట్ర మడ్డుకొందు నంచు

పలుకుచుంటి విది న్యాయమె?

తెలంగాణ “భూము”లన్ని

దోచుకొనగ కుదుర దనియె

రాష్ట్ర మడ్డుకొందు నంచు

పలుకుచుంటి విది న్యాయమె?

తెలగాణను నష్టపరచి,

రాష్ట్రమేర్పడిన నష్టము

కలుగునంచు దొంగ ఏడ్పు

లేడ్వంగనె సరియౌనే?

సీమాంధ్రకు మేలుచేయు

పనులెన్నో చేయలేదె?

ఆరువేల కోట్లు నీవు

చిత్తూర్ కొనిపోలేదే?

ముఖ్యమంత్రి మాటలివా?

సీమాంధ్రుని మాట గాని!

నీతి గలుగు చేతలివా?

నీతి లేని పనులు గాని!

కల్లబొల్లి ఏడ్పులాపి,

అడ్డుపడే చేత లాపి,

అబద్ధాల కూత లాపి,

నీతిలేని కుట్ర లాపి,

అరువదేండ్ల కాంక్షయైన

తెలంగాణ రాష్ట్రానికి

స్వాగతమ్ము పలుకవయా!

హుందాగా ఉండవయా!

ఘనతను నువు పొందుమయా!

జై తెలంగాణ!    జై జై తెలంగాణ!

తెలివి మీ ఒక్కరి సొత్తా?

రాయల తెలగాణము ప్రతి

పాదనమును తెచ్చుటలో

సీమాంధ్రుల లాబీయింగ్

కుట్ర దాగి యున్నదయా!

***

రాజధాని రేసునుండి

కర్నూలును తప్పించుట!

సీమ మరియు తెలంగాణ

అస్తిత్వము కూల్చివేత!

తమ అధికారము నంతట

సుస్థిరమ్ము చేసికొనుట!

కృష్ణా జల దోపిడీని

అధికారికముగ జేయుట!

టీయారెస్ వైసీపీ

టీడీపీలను అణచుట!

కిరణ్ దూకుడరికట్టియు

మార్గము సుగమము చేయుట!

సీమాంధ్రుడ! తెలివి నీదు

ఒక్కని సొత్తా? చెప్పుము!

***

రాయల తెలగాణమిడిన

కాంగ్రెస్సే మరణించును!

తెలంగాణ మెడకదియే

గుదిబండగ మారిపోవు!

కావున ఓ కేంద్రమ్మా!

ఆపుమిట్టి అరాచకము!

***

ఏ ఆంక్షలు లేనియట్టి

భద్రాచల మునగాలల

హైద్రబాదులతొ గూడిన

పదిజిలాల తెలంగాణ

రాష్ట్రము ప్రకటించకున్న

కాంగ్రెస్ భూస్థాపితమ్ము

తథ్యము, తథ్యము, తథ్యము!

తెలంగాణమందు మరో

మహా ఉద్యమమ్ము సాగు!

ప్రతి ఒక్కడు కోటిమంది

సమానమై పోరాడును!

“తెలంగాణ, తెలంగాణ,

తెలంగాణ జై” అంటూ

ఎలుగెత్తియు నినదించుచు

ఉద్యమమును నడిపించును!

***

తెలంగాణమిస్తారా?

భూస్థాపితమౌతారా?

తేల్చుకొనుడు! తేల్చుకొనుడు!

వేగముగా తేల్చుకొనుడు!

జై తెలంగాణ! జై జై తెలంగాణ!

మేమడిగింది ఇదా?

మొదటినుండి తెలంగాణ

అడుగునట్టిదౌ రాష్ట్రము

ఆత్మగౌరవ ప్రదమ్ము

తెలంగాణ నీయకుండ

కేంద్ర మొకటి తలచి యిపుడు

“రాయల తెలగాణ” యన్న

రాష్ట్రమ్మును ఈయబూన

గా నేమనగా వలెనయ?

*

కర్ర విరుగకుండ పాము

చచ్చుటెట్లు కుదురునయా?

కాలికేస్తె మెడకు వేసి,

మెడకేసిన కాలికేసి,

సమస్యను జటిలముగా

చేయబూన నేమనవలె?

*

ఎవరి ఉద్యమమ్ము వల్ల

కేంద్రమ్మిది పూనెనో,

ఆ ప్రత్యేకమ్మైన యట్టి

తెలంగాణ మీ దలచియు

సీ డబ్ల్యు సి మీటింగ్ లో

హైదరబాదుతొ గూడిన

పది జిలాల తెలంగాణ

ప్రకటనమ్ము జేసి యిపుడు

ప్రజలకాంక్ష ప్రక్కన నిడి,

రాజకీయమును జేతురు!

తాదూరగ కంత లేదు

మెడకో డోలన్నట్లుగ,

మా తెలగాణమ్మునకును

“రాయల” తగిలించుటేల?

*

ఇదియంతయు కోస్తాంధ్రుల

లాబీయింగ్ కుట్ర సుమా!

అటు రాయలసీమాంధ్రుల

ఇటు తెలగాణంపు జనుల

అస్తిత్వము కూల్చునట్టి

లాబీయింగ్ కుట్ర సుమా!

అడగనిదే అమ్మయైన

అన్నమునే పెట్ట దనగ,

అడుగనిదే యిట్లు సేత

కుట్రలోన భాగము కద!

*

అస్తిత్వము గూల్చునట్టి

ఈ చర్యను ఒప్పుకొనము!

“తెలంగాణ” మా కీయుడు,

అస్తిత్వము నిలబెట్టుడు!

మా అస్తిత్వమ్మిడనిచో

మీ అస్తిత్వము కూలును!

“తెలగాణ” మ్మీయనిచో

“కాంగ్రెస్” చచ్చుట ఖాయము!

*

తేల్చుకొనుడు, తేల్చుకొనుడు,

తెలంగాణొ? మరణమో?

తేల్చుకొనెడి తరుణమిదే,

తేల్చుకొనుడు, తేల్చుకొనుడు!!

జై తెలంగాణ! జై జై తెలంగాణ!

హైద్రాబాద్ పై పూర్తి అధికారం తెలంగాణకే ఉండాలి!

తెలంగాణ రాష్ట్ర రాజధాని హైదరాబాదే!

తాత్కాలిక రాజధాని హైదరబాదును చేసిన

ఐదేండ్లలొ సీమాంధ్రులు రాజధాని కట్టగవలె!

సీమాంధ్రుల రాజధాని అద్దెయిల్లె అగును సుమా!

హైదరబాద్ పైనను మరి ఆంధ్రవాళ్ళ కేహక్కులు,

అధికారము, అజమాయిషి ఉండరాదు, ఉండరాదు!(1)

సీమాంధ్రుల కుట్ర తెలిసికొని భగ్నము చేయుడయ్య!

కుతంత్రాల వలలో పడిపోక న్యాయ మిడుడయ్యా!

హైదరబాదును యూటీ చేసిన మేమొప్పుకొనము!

జీ.హెచ్.ఎం.సీ. పరిధి గవర్నర్ పాలన వలదయ!

సీమాంధ్రులతో మాకును ఎట్టి పొత్తు వలదయ్యా!

వేరు వేరు గవర్నర్ల నియమింపగ వలెనయ్యా! (2)

హైద్రబాదుపైన తెలంగాణకె హక్కుండాలి!

కేంద్రమో, గవర్నరో అజమాయిషి చేయరాదు!

పరుల పాలనమ్మునందు హైద్రబాదు ఎట్లుండును?

అరువదేండ్లు పోరాడిన దిందుకోసమేనా?

తెలంగాణ రాష్ట్రపు పరిపాలన మా హక్కయ్యా!

ఆత్మగౌరవము గల్గిన అధికారమ్మిడుడయ్యా! (3)

జై తెలంగాణ! జై జై తెలంగాణ!

రాయల తెలంగాణకు మేం ఒప్పుకొనే ప్రసక్తే లేదు!

“పది జిల్లాలతొ కూడిన కేవల

తెలగాణమ్మును ఇచ్చెదమయ్యా!

హైదరబాద్ మీ తెలంగాణదే!” 

అనుచును కేంద్రము ప్రకటన చేసియు, 

సీమాంధ్ర నాయకుల లాబీతో 

రాయల తెలగాణము నిచ్చెదమని 

మాయలు పన్నుట సబబేనా? 

మమ్ముల దోచిన వారినె మళ్ళా 

మాతో కలుపుట సబబేనా? 

మా అస్తిత్వము మాకు కావలెను!

మా ప్రాంతీయుల కోరిక యిదియే!

“అసెంబ్లీ పార్లమెంటు సీట్లను

రెండు వైపులా సమము చేయుటకు

రాయల తెలగాణమ్మే యుక్తము!”

అనగ తగదయా! నీతి కాదయా! 

భారతదేశమ్మందున నుండిన

యితర రాష్ట్రములతో సమమ్మగునె?

రాష్ట్రములన్నీ సమముగ నున్నవె?

సమము సమమ్మన, సమమే దిచ్చట? 

అఱువది యేడులు మ్రగ్గితిమయ్యా!

సీమాంధ్రులె మము దోచి రెంతయో!

అట్టివారలే మాతో కలియుట 

పాలించుటకే! దోచుకొనుటకే! 

మఱల మఱల ఇక మాకన్యాయము 

చేయుట కేంద్రమునకు తగదయ్యా! 

రాయల తెలగాణమ్ము పేరిటను

మాయలు చేయుట మానండయ్యా!

కుట్రలు చేయుట మానండయ్యా! 

తెలంగాణ అస్తిత్వము నిప్పుడు 

దెబ్బతీయుట తగదు తగదయా! 

హైద్రబాదుతో కూడినట్టిదౌ

పదియు జిల్లాల తెలంగాణమే

మాకు కావలెను! మాకు కావలెను! 

వేరే దేనిని ఒప్పుకోమయా! 

జై తెలంగాణ!    జై జై తెలంగాణ!

రాయల తెలగాణమ్ము పేరిటను మాయలు చేయుట మానండయ్యా!

“పది జిల్లాలతొ కూడిన కేవల

తెలగాణమ్మును ఇచ్చెదమయ్యా!

హైదరబాద్ మీ తెలంగాణదే!” 

అనుచును కేంద్రము ప్రకటన చేసియు, 

సీమాంధ్ర నాయకుల లాబీతో 

రాయల తెలగాణము నిచ్చెదమని 

మాయలు పన్నుట సబబేనా? 

మమ్ముల దోచిన వారినె మళ్ళా 

మాతో కలుపుట సబబేనా? 

మా అస్తిత్వము మాకు కావలెను!

మా ప్రాంతీయుల కోరిక యిదియే!

“అసెంబ్లీ పార్లమెంటు సీట్లను

రెండు వైపులా సమము చేయుటకు

రాయల తెలగాణమ్మే యుక్తము!”

అనగ తగదయా! నీతి కాదయా! 

భారతదేశమ్మందున నుండిన

యితర రాష్ట్రములతో సమమ్మగునె?

రాష్ట్రములన్నీ సమముగ నున్నవె?

సమము సమమ్మన, సమమే దిచ్చట? 

అఱువది యేడులు మ్రగ్గితిమయ్యా!

సీమాంధ్రులె మము దోచి రెంతయో!

అట్టివారలే మాతో కలియుట 

పాలించుటకే! దోచుకొనుటకే! 

మఱల మఱల ఇక మాకన్యాయము 

చేయుట కేంద్రమునకు తగదయ్యా! 

రాయల తెలగాణమ్ము పేరిటను

మాయలు చేయుట మానండయ్యా!

కుట్రలు చేయుట మానండయ్యా! 

తెలంగాణ అస్తిత్వము నిప్పుడు 

దెబ్బతీయుట తగదు తగదయా! 

హైద్రబాదుతో కూడినట్టిదౌ

పదియు జిల్లాల తెలంగాణమే

మాకు కావలెను! మాకు కావలెను! 

వేరే దేనిని ఒప్పుకోమయా! 

జై తెలంగాణ!    జై జై తెలంగాణ!

ఇందుకే మేం స్వరాష్ట్రం అడుగుతున్నాం!

ఇన్ని చేసితి! నన్ని చేసితి!

రాష్ట్రమును అభివృద్ధిచేసితి!

అనుచు పలికెడు ముఖ్యమంత్రియె

తెలంగాణములో

మొన్న ’ఫైలిన్’ తుఫానుకు తన

పంట నాశనమైన రైతుకు

ఒక్క పైసయు ఈయకుండెను!

నిరంకుశుడయ్యా!

కాని, సీమాంధ్రకును పరిహా

రమ్ము నిచ్చిన ముఖ్యమంత్రికి

యెఱుకలేదా, తెలంగాణను

ఆదుకొన నిపుడున్?

పక్షపాతము లేక యున్నచొ

నష్టపరిహారమ్ము ఎందుకు

అందజేయడు? ఖచ్చితమ్ముగ

పక్షపాతియెగా!

ఇట్టి పాలన మాకు వలదని;

ఇందుకే మా రాష్ట్ర మడుగుచు

పోరుచుంటిమి! ఆంక్ష లుండని

తెలంగాణముకై

కేంద్రమును మఱి కోరుచుంటిమి!

ఇట్టి సీమాంధ్రుల ’కుపాలన’

సాగుచో నష్టమ్ము లింకను

పెరుగు నో యయ్యా!

మమ్ము గావని, మమ్ము జూడని,

మాకు పైసా నీయ బూనని,

ఇట్టి సీమాంధ్రుల ’కుపాలన’

మాకు వలదయ్యా!

జై తెలంగాణ!       జై జై తెలంగాణ!

కుట్రలూ...కుతంత్రాలూ...తెలంగాణను ఆపలేవు!

(1)

మా తెలంగాణమ్ము నాంధ్రను

గలిపి నప్పటి పెద్ద మనుషుల

అగ్రిమెంటును ఆచరించక,

మంటగలిపిరయా!

(2)

లోటు బడ్జెటు మీది కాగా,

అధిక బడ్జెటు మాది కాగా,

మమ్ము దోచియు లోటు పూడ్చిన

ఘనులు మీరయ్యా!

(3)

ముల్కి రూల్సు నతిక్రమించియు,

మా కొలువులను దోచి, మీరలు

మమ్మమాయకులనుగ మార్చియు,

మాయ జేసిరయా!

(4)

నీటి వనరుల వాట లేకయె,

అక్రమమ్ముగ మఱల జేసియు,

తెలంగాణము నెండ బెట్టిన

కీర్తిమీ దయ్యా!

(5)

ఆరువందల పదియు జీవో

తుంగలో దొక్కియును, కొలువులు

స్వవశమందున బెట్టుకొనియును,

వెక్కిరించిరయా!

(6)

వలస రాజ్యము పాదుకొనగా,

కొల్లగొట్టిరి భూములెన్నియొ!

ఏ బినామీ పేర్లతోడనొ

వ్యవహరించిరయా!

(7)

వనరు లుండిన తెలంగాణనె

విద్యు దుత్పత్తులవి యుండగ

వలెను! కానీ, ఆంధ్రలోపల

వెలయజేసిరయా!

(8)

కలిసి యుండిన కలవు సుఖముల

టంచు బలుకుచు, మోసగించియు,

మాకు సుఖములు! మీకు దుఃఖము

లనుచు పంచిరయా!

(9)

ఒక్క పైసా నీయ నంటూ,

నిధులు సీమాంధ్రమునకే యిడి,

మొండి చెయ్యే తెలంగాణకు

చూపుచుండిరయా!

(10)

మాయ మాటలు చెప్పి చెప్పీ,

అరువదేండ్లుగ దోచుచుండిరి!

తెలంగాణము నీయు మనగా

అడ్డుపడిరయ్యా!

(11)

మా తెలంగాణమును తిట్టుచు,

సమైక్యాంధ్రమ్మంచు పలుకుచు,

కలిసి జీవించుటయు నెట్లో

చెప్పకుండిరయా!

(12)

కేంద్ర మిప్పుడు తెలంగాణను

ఈయబూనగ, సమైక్యాంధ్రను

ముందు నిలిపీ, లాబియింగును

జేయబూనిరయా!

(13)

అన్నదమ్ములటంచు బలుకుచు,

కలుములన్నకు, లేమి తమ్ముల

కీయ దలచిన యట్టివారలు

అన్నదమ్ము లెటుల్?

(14)

వేరు పడిననె మేలు కలుగును!

మీది మీరే, మాది మేమే!

తెలంగాణకు అడ్డుపడినను

కేంద్ర మిడునయ్యా!

జై తెలంగాణ!  జై జై తెలంగాణ!

ఇంకా దోచగ బూనెద రేలా?

"ఈ హైదరబాద్ నగరమువంటి

రాజధాని మా కెచట దొరకును?"

అనెడి వారలకు, మా ప్రశ్నయు నదె!

తెలంగాణలో హైదరబాదును

పోలిన నగరా లున్నాయా?

అభివృద్ధి యేది తెలంగాణలో?

మీకున్నవి దానిని పోలెడు పలు

పట్టణాలు! విలసిల్లు చున్నవి!

విజయవాడ, విశాఖపట్టణం,

గుంటూర్, తిరుపతి, రాజమండ్రులు!

మాకేమున్నవి తెలంగాణలో?

విమానాశ్రయాల్ నాలుగు మీకు

కడప, వైజాగు, గన్నవరం, తిరుపతి!

హైదరబాదున బేగంపేటను,

వరంగల్లున మామునూరును

విమానాశ్రయ నామ క్రమమ్మును

పాడుజేసితిరి! మీ పాపమ్మే!

ఆజంజాహి బట్టల మిల్లు,

నిజాం షుగర్సు చక్కెర మిల్లు

నాశన మాయెను! రూపు మాసెను!

మీ పాపమ్మే! మీ నిర్వాకమె!

ఏ ముఖమ్ముతో హైదరబాదును

మాది మాది యని వదరుచుందురు?

దోచుకొనంగను సరిపోలేదా?

ఇంకా దోచగ బూనితిరా?

తెలంగాణకు పట్టిన "శని" మీ

సీమాంధ్రులె! పలు మాట లేలనో?

రాహు కేతువు లరాచకీయులై

రాక్షసానందమంది, హర్తలై,
దోచితిరి తెలంగాణ వనరులను!

నీళ్ళవి యేవీ తెలంగాణలో?

ప్రాజెక్టు లేవి యీ తెలంగాణలో?

ఉద్యోగములను, సద్యోగములను

దోచితిరి తెలంగాణ వనరులను!

ఇంకా దోచగ బూనితిరా?

రాయల ఉత్సవ నిర్వహణమునకు
కోట్లకు కోట్లు దోచిపెట్టితిరి!

కాకతీయుల ఉత్సవాలకు

ఎన్ని కోటుల నిచ్చితిరయ్యా?

టాంకుబండుపై మీ వారి విగ్రహాల్

వరుస దీరినవి, వెలుగుచున్నవి!

మరి మా వారల విగ్రహాలేవి?

"తెలుగుజాతి"యని యరచుచుందురు;

మరి మా వారలు కనబడలేదా? 

చాలు చాలు మీ నటనలు చాలును!

సీమాంధ్రులు మము వీడిన చాలును!

మా రాష్ట్రము మా కిడిన చాలును!

అదే మా కగును పది వేలు!

అదే మా కగును పది కోట్లు!!

జై తెలంగాణ!          జై జై తెలంగాణ!

విజయనామ సంవత్సర యుగాదినాటి సంఘటన...(గేయ కవిత)

శ్రీలు గురియు ఈ విజయ యుగాది

మాత అరువదేడుల క్రిందట జనె
ఆంధ్ర తెలగాణ లెటుల నున్నవో
చూచి వత్తమని కడు వేడుకతో!

పందొమ్మిది వందల యేబది మూ
డప్పటి మాటిది! విజయ యుగాది
మాత వెళ్ళెను ముందుగ ఆంధ్రకు!

ఆంధ్ర మాత కన్నీటితొ ఎదురై
“నా తనయులు మదరాసు రాష్ట్రమున
బానిస బతుకులు బతుకుచుండి”రని
బావురుమని “కాపాడు”మన్నది!


విజయ యుగాది మాత “కాతు”నని
అభయమిచ్చి, యిక తెలంగాణను
చూచిపోవుటకు రయమున వచ్చెను!

నాడు హైదరాబాదు రాష్ట్రమున
నిజాము పాలన అంతము కాగా
తెలంగాణమున ప్రజలందరును
యుగాది మాతకు స్వాగత మిడిరి!
సంతసమున తెలగాణ తల్లియును
“నా పిల్లల చల్లగ జూ” డన్నది!
“అటులే” యని యా యుగాది మాతయు
“ఆంధ్ర మాత కన్నీరు తుడువు” మని
కోరె తెలగాణ తల్లిని మరి మరి!

సోదరి బిడ్డల దీన స్థితి విని
జాలిపడిన తెలగాణ తల్లి, కప
టమ్మెది లేకయు మాట యిచ్చెను!


మాట తీసుకొని విజయ యుగాది
అరువదేండ్ల తరువాత ఆంధ్రలో
రెండువేల పదమూడు వత్సరము
లోన అడుగిడియును అంతట చూచెను;
ఎచట జూచినా కోలాహలమే,
జనుల మోమునను సంతోషమ్మే,
తెలంగాణమును దోచిన ఛాయలె!!
విజయ యుగాది యిది గమనించియు
తెలంగాణముకు పయనమాయెను!


తెలంగాణమున అడుగిడి యుగాది
మాత చూచె నొక చోట నొక్కతెను!
ఏడ్చి యేడ్చి కన్నీరు ఇంకగా
అరచి యరచి తన గొంతు బొంగురై
గుర్తుపట్ట రానట్టి యామెను
విజయ యుగాది చేరి యడిగెను;

"ఎవరమ్మా నువు? నే నెచ్చటనో
నిన్ను జూచిన జ్ఞాపకమున్నది!
తెలిసిన వారల పోలికలున్నవి!”

అనగానే ఆ వనిత భోరుమని
యేడ్చుచు “అమ్మా , యుగాది మాతా!
తెలంగాణ మాతను నేనమ్మా!
అరువదేడుల కిందట నీకు
మాట యిచ్చితిని జ్ఞాపకముందా!

ఆంధ్ర మాత కన్నీరు తుడువగను
వారల నా దరి జేరనిచ్చితిని!
ఇటెటు రమ్మంటె ఇల్లు నాదనిరి;
కృతజ్ఞత వీడి కృతఘ్నులైరి!

బానిస లిప్పుడు పాలకులయ్యిరి;
స్వతంత్రులను బానిసలను జేసిరి!
రమ్మనగానే పొమ్మనజొచ్చిరి!!
తెలంగాణ రాష్ట్రమ్ము కోసమై
ఎంత అడిగినను పెడచెవి బెట్టిరి!

వేయి వీరుల బలిదానమ్ములు
కర్కశులను కరిగించక పోయెను!
మాట యిత్తురు తప్పుచుందురు;
నరములేని నాలుక మాటాయెను!
తెలంగాణమున ఉద్యమమ్ములే
రాష్ట్ర సిద్ధికై జరుగుచుండెను!
బిడ్డల ఆశలు తీరే దెన్నడొ?
ఆనందమ్మే విరిసే దెన్నడొ?
నీ వైనా మరి దారి జూపి, మము
అమ్మా! కావుము” అనుచు వేడగా,
ఆంధ్రుల మోసము గమనించియు ఆ
యుగాది మాతయు కలవరమందుచు
అభయ మిచ్చెను “మరువత్సరమున
’యుగాది’ త్వదీయ రాష్ట్రములోనే!
తెలంగాణ మాగాణము వెలుగుల
జిమ్మి సంతసము నంతట పంచును!
నిజమిది! నిజమిది! నమ్ముము నన్న”ని
యుగాది మాత అంతర్ధానము
కాగా, వేకువ కోడి కూసెను!

మేలుకొన్న నే కలగంటినని
తెలిసికొంటి! నా కల నిజమౌటకు
విజయ యుగాది మాతను నేను
మనస్ఫూర్తిగా కోరితి శుభము!!

(రెండువేల పద్నాలుగులో వచ్చే యుగాదినాటికి మన తెలంగాణ రాష్ట్రములోనే యుగాది పండుగ జరుపుకోవడానికి మనమంతా వేచి వుందాం!!)

జై తెలంగాణ!                  జై జై తెలంగాణ!!