కం.
మన చేతను వోటున్నది,
మనకును మేలొదుగఁ జేయు మంచి మనిషికిన్
మన వోటును వేసినఁ జా
లును నిఁక నైదేండ్ల దాఁక రోచిస్సులెగా!
ఆ.వె.
వోటు వేయునపుడె చేటు కల్గింపని
నాయకులను మనమునందుఁ దెలిసి,
యైదు వత్సరములు హర్షమ్మునిచ్చెడి,
మంచివారినెన్నుమయ్య నీవు!
తే.గీ.
మనకు బంగారు తెలగాణమందఁజేసి,
మన బ్రతుకులను బాగుగా మలచి, భవిత
వెలుఁగఁ జేసెడి యత్యంత ప్రియతముఁడగు
రాష్ట్రదాతకు వోటు వరాలుఁ గుఱియు!
కం.
వేమఱు నాలోచింపుఁడు,
నీమముతో నీదు వోటు నీ రాష్ట్రమ్మున్
సేమముగ నుంచు వారికె!
సీమాంధ్రుల కిడెడి వోటు చిక్కులఁ దెచ్చున్!
తే.గీ.
వోటు తప్పుడు వ్యక్తికి పోవు కతన,
నైదు వత్సరములు నీదు హక్కు లిడుము
లంబడుటె కాదు, రాష్ట్రంపు సంబరములు
నాశనమ్మగుఁ గావున నమ్మ కెపుడు!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి