కూళలు మూర్ఖులు బిల్లును చించుచు
త్రొక్కుచు అవమానించిరయా!
వీరు ప్రజాప్రతినిధులా? కారయ
దుశ్చేష్టల దుర్మార్గులయా!
రాష్ట్రపతియె పంపిన ఈ బిల్లును
అవమానించుట "నేత"పనా?
రాజద్రోహము కాదా? అట్టుల
దౌష్ట్యమ్మును జూపుట తగునా?
***
సచివాలయ సీమాంధ్రులు ఉత్త
ర్వులు న్నిబంధన జవదాటిరి!
రెచ్చగొట్టెడి సవాళ్ళను విసరుచు
వీరంగాన్నే సృష్టించిరి!
నిరసన ర్యాలీల్ ధర్నాల్ చేయగ
చోద్యం చూసిరి పోలీసుల్!
కౌటిల్యమ్మున కుయుక్తి తోడను
ఇట్టుల చేయుట సబబేనా?
***
తెలంగాణ నాయకులారా! మీ
స్పందన సౌమ్యత నందవలెన్!
బట్టగాల్చి పై వేతురు, జాగ్రత,
శాంతపు చేతల పోరవలెన్!
ఈనగాచి నక్కలపాల్ సేయక
జాగ్రతతో మెలగన్ శుభమౌ!
దుష్టుల దూరము నుంచియు వర్తన
సేసిన తెలగాణా మనదౌ!
తస్మాజ్జాగ్రత, జాగ్రత! వినుమా,
రాష్ట్ర ప్రయోజనమే కనుమా!
తెలంగాణ రాష్ట్రావతరణముకు
స్వాగత నాదము చేకొనుమా!
***
ఎట్టకేల కీ తెలగాణా బిల్
అసెంబ్లిలోపల చర్చకురాన్,
ప్రతిపక్ష నాయకుడు నోర్మూసెనహో!
వాయిదాపడెను రేపటికిన్!
చర్చలు జరిగిన జరుగక యున్నను
తెలంగాణ కడ్డేమున్నదయా?
పార్లమెంటులో తప్పక నెగ్గును!
ఇదియే "తృతీయ విజయ"మయా!!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి