రాయల తెలగాణము ప్రతి
పాదనమును తెచ్చుటలో
సీమాంధ్రుల లాబీయింగ్
కుట్ర దాగి యున్నదయా!
***
రాజధాని రేసునుండి
కర్నూలును తప్పించుట!
సీమ మరియు తెలంగాణ
అస్తిత్వము కూల్చివేత!
తమ అధికారము నంతట
సుస్థిరమ్ము చేసికొనుట!
కృష్ణా జల దోపిడీని
అధికారికముగ జేయుట!
టీయారెస్ వైసీపీ
టీడీపీలను అణచుట!
కిరణ్ దూకుడరికట్టియు
మార్గము సుగమము చేయుట!
సీమాంధ్రుడ! తెలివి నీదు
ఒక్కని సొత్తా? చెప్పుము!
***
రాయల తెలగాణమిడిన
కాంగ్రెస్సే మరణించును!
తెలంగాణ మెడకదియే
గుదిబండగ మారిపోవు!
కావున ఓ కేంద్రమ్మా!
ఆపుమిట్టి అరాచకము!
***
ఏ ఆంక్షలు లేనియట్టి
భద్రాచల మునగాలల
హైద్రబాదులతొ గూడిన
పదిజిలాల తెలంగాణ
రాష్ట్రము ప్రకటించకున్న
కాంగ్రెస్ భూస్థాపితమ్ము
తథ్యము, తథ్యము, తథ్యము!
తెలంగాణమందు మరో
మహా ఉద్యమమ్ము సాగు!
ప్రతి ఒక్కడు కోటిమంది
సమానమై పోరాడును!
“తెలంగాణ, తెలంగాణ,
తెలంగాణ జై” అంటూ
ఎలుగెత్తియు నినదించుచు
ఉద్యమమును నడిపించును!
***
తెలంగాణమిస్తారా?
భూస్థాపితమౌతారా?
తేల్చుకొనుడు! తేల్చుకొనుడు!
వేగముగా తేల్చుకొనుడు!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి