అమ్మా! దుఃఖించకు తల్లీ!

ఉత్పలమాల:
నీతి నిజాయితిన్ విడచి నేతలు చేరి స్వలాభ కాములై
యీ తెలగాణ రాష్ట్ర సుజనేప్సితమున్ విడనాడి యిత్తఱిన్
మాతరొ! నీకు స్వేచ్ఛనిడ మానిరి! యెన్నడు స్వేచ్ఛనందుటో?
ఓ తెలగాణ మాత! మము నోమఁగఁ జూడు దయార్ద్ర చిత్తవై!

కందము:
ఘడియ కొక మాట మార్చుచు,
పిడివాదముతోడఁ గష్టపెట్టఁగఁ, గంటన్
దడిఁబెట్ట వలదు తల్లీ!
వడిగాఁ దెలగాణ వచ్చు! వచ్చును సుఖముల్!

ఆట వెలఁది:
మూర్ఖులుండి రచట! మోసమ్ముఁ గూర్పంగఁ
బూనఁగాను, మేము పోరు సలిపి,
నిన్ను వేగఁ దెచ్చు నిష్ఠతో నుంటిమి!
కంట నీరు పెట్టఁగాను వలదు!!

తేఁట గీతి:
మోసకారుల, నీచుల మూర్ధములను
నీదు పాదాల పైఁబడ నేర్పుఁ జూపి,
బుద్ధి నేర్పెద మో తల్లి పోరు సలిపి!
ఓటుతో నిన్నుఁ దెచ్చెద మోర్పు తోడ!!

పంచచామరము:
బిరాన రాఁగ నుంటివమ్మ! వేదనమ్ము మానుమా!
స్వరమ్ము మార్చువారిలోని స్వార్థమున్ బెకల్చియున్;
వరోగ్ర భీకరాకృతిన్, జవమ్ముఁ బూని, శీఘ్రమే
పరాక్రమోద్యమమ్ముఁ జేయ, భవ్య రాష్ట్ర సాధ్యమౌ!

జై తెలంగాణ!      జై జై తెలంగాణ!