జయ యుగాది మాతా!

తెలంగాణ కవిపండితమిత్రులకు, బ్లాగు వీక్షకులకు

జయనామ యుగాది పర్వదిన శుభాకాంక్షలు!!

స్వాగత వృత్తము:
స్వాగతమ్ము జయ స్వాగతమమ్మా
వేగిరమ్మె యిఁక వేడుకనిమ్మా
భోగభాగ్యములు పొందుగనిమ్మా
యోగసిద్ధులవి యొప్పుగనిమ్మా!

స్వగ్విణీ వృత్తము:

మా తెలంగాణమున్ మంచిరాష్ట్రమ్ముగన్

చేతువంచిప్పుడున్ శీఘ్రమే కోరుచున్

మాతరో నిన్ను మేమాదరోత్కృష్టతన్

నూతనోత్సాహమందోలలాడింతుమే!

రథోద్ధత వృత్తము:

దుష్టపాలనము దూరమాయెఁగా

కష్టకాలమిఁక ఖర్వమాయెఁగా

శిష్టభావనలు శీఘ్రమే యిడన్

తుష్టి నొందెదము తూర్ణ మో జయా!

వనమయూర వృత్తము:

ఎన్ని తెలగాణమున హీనతను డుల్చన్

నిన్ను నుతియించెదము నిక్కమగు భక్తిన్

విన్నపము చేసెదము వేగ మముఁ బ్రోవన్

మన్ననను మమ్ము గనుమమ్మ జయ మాతా!

తోవక వృత్తము:

కలుములతోడను గాంక్షలు తీరన్

విలువలఁ బెంచెడి ప్రేమల నిమ్మా

ఫలితము దక్కఁగ వంతలు తీర్చన్

దలఁచెద మిప్పుడు తల్లి జయమ్మా!

ప్రియంవదా వృత్తము:

అరువదేండ్ల కల హంగు మీఱఁగన్

విరుల వర్షమును బ్రేమ తోడుతన్

గురియఁ జేయఁగను క్రొత్త రాష్ట్రమున్

వరలఁ జేయ జయ వందనమ్మిదే!

జై తెలంగాణ!    జై జై తెలంగాణ!