పోలవరం ఆనకట్ట
నిర్మాణము కొరకు మీరు
డిజైనునే మార్చవలయు,
ఈ డిజైను నొప్పుకొనము!
పోలవరపు ముంపు మండ
లమ్ములాంధ్రలోన గలుప
నొప్పుకొనము, సహియింపము!
ఈ డిజైను మార్చవలయు!!
ముంపు మండలము లాంధ్రను
గలిపినచో తెలంగాణ
భౌగోళిక, నైసర్గిక
స్వరూపమున మార్పువచ్చు!
తెలంగాణ రాష్ట్ర పటము
లో మార్పుల నొప్పుకొనము!
గిరిజనముల జన్మభూమి
నష్టపరుప నొప్పుకొనము!!
తెలంగాణ అసంపూర్ణ
ప్రాజెక్టుల పూర్తిచేసి,
పిదప పోలవరము మీరు
నిర్మింపగవలయునయ్య!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి