.jpg)
తెలంగాణ సీమాంధ్రల
విభజనమ్మునందు నేడు
ఆస్తి అప్పులును ఉద్యో
గుల విభజన కీలకమయె!
తెలగాణను విలువగలుగు
భూముల సంబంధించిన,
లబ్ధిని చేకూర్చునట్టి
డాక్యుమెంట్లు మాయమాయె!
ప్రైవేట్ వ్యక్తులను పెట్టి
కీలకమైనట్టి బాధ్య
తలను అప్పగించుటయే
అనుమానాలకు తావయె!
కీలక ఫైళ్ళను, రిఫరెన్స్
పత్రాలను చించివేసి
రనియు సమాచార మిట్లు
స్వైరవిహారముచేసెను!
సీమాంధ్రా అధికారుల
నిర్వాకము చూడగాను
తెలంగాణ కొంపముంచి
తరలునట్లు తోచుచుండె!
రాష్ట్రమేర్పడిన పిదపను
అక్రమాల గుట్టు రట్టు
చేయకుండ ఉండేందుకు
జరుపు కుట్రలివియయ్యా!
ముఖ్యమైన ఫైళ్ళెన్నో
బయటకు తరలించుచుండ్రి!
నిఘా లోపమును తమకే
అనుకూలము చేయుచుండ్రి!!
కార్యదర్శి ఆదేశాల్
బేఖాతరు చేసి, వారు
దుర్మార్గమ్మునకు నేడు
పూనుకొనియు తెగబడిరయ!
సచివాలయ అధికారుల
బరితెగింపు ఆపుటకును
నిఘా పెంచవలయునయ్య!
చర్య గైకొనగవలెనయ!!
దీనికి సంబంధించిన మరిన్ని వివరాలను గురించి:
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి