మాకు ఈ మేకవన్నెపులుల అవసరం లేదు!

తెలంగాణులకు ఇప్పుడు

ఆంధ్రా నాయకులు పెట్టు

మేకవన్నె పులి పార్టీల్

కావలసెనె? కోరుకొనిరె?

జనసేనయె మాకెందుకు?

"సమైక్యమ్ము" మాకెందుకు?

చలనచిత్ర వేషగాండ్ల

నటన పార్టి మాకెందుకు?

అన్నమీదికోపంతో

పార్టిపెట్టి, లాభపడగ

నెంచి, కల్లబొల్లి ఏడ్పు

లేడ్చెడివారెందుకయ్య?

తెలంగాణ ఉద్యమాన

ఎప్పుడైన కలిశావా?

మాతో "జై తెలంగాణ"

అనుచు గొంతు కలిపావా?

గోముఖవ్యాఘ్రము నమ్మగ

తెలగాణులు చెవినిపువ్వు

పెట్టుకొనియునున్నారా?

నీ పార్టీ మాకెందుకు?

"నా తెలగాణా" యంచును,

"మన తెలగాణా" యంచును,

పలుమారులు పలుకగానె

తెలంగాణుడవు ఔదువె?

తెలగాణను పుట్టిపెరిగి,

తెలంగాణ ఊపిరిగొని,

తెలంగాణ తల్లినెపుడు

భక్తిదలచు దెలగాణుడు!

వీహెచ్చును మెచ్చుకొనుచు,

జగ్గ్గారెడ్డిని పొగడుచు,

కాంగ్రెస్సును తిట్టినచో

సంతోషము వారికౌనె?

అన్న కాంగ్రెసున ఉండగ

"కాంగ్రెస్సుకు హఠావో,

దేశ్ బచావో" అనగా,

పాలి పగల మాట కాదె?

నాకు శత్రు లెవరు లేరు

అనగానే నమ్మాలా?

శత్రు లెవరు లేనప్పుడు

పార్టీ పెట్టుట ఎందుకు?

అన్న పైన కోపంతో

కాంగ్రెస్సును తిట్టగానె,

ఉత్తముడవు నీవైతివె?

అన్న దొంగె, నీవు దొంగె!

వగల ప్రేమలొలుకబోసి,

ఓట్లు కొల్లగొట్టనెంచి,

తెలంగాణ పాటపాడు

దొంగ నటుడ వీవె కాదె?

తెలంగాణ విముక్తికై

ఉద్యమించినట్టి పార్టి,

కృతజ్ఞతగ తెలగాణుని

నరనరాన నిలుచు పార్టి

తెలగాణను కాచునట్టి

ఒక్కపార్టి మాకు చాలు!

తెలంగాణ కల నెరవే

ర్చెడి పార్టియె మాకు చాలు!!

ఆంధ్రపార్టి మాకెందుకు?

నటుల పార్టి మాకెందుకు?

ఇపుడు ముంచినది చాలును,

మరల ముంచనిచ్చెదమా?

మేము కష్టపడుచుండగ,

నీవెచ్చట దాగినావు?

కష్టమ్ములు తీర్చగాను

ప్రయత్నమ్ము చేసితివే?

నటుడవైనచో చిత్రాల్

నిర్మింపుము, చూతుమయ్య!

రాజకీయములు చేయుచొ

ఖండింతుము, పోపోవయ!!

నీవు మంచివాడవైన,

పరనిందను చేయనేల?

పర ప్రశ్నకు జవాబులను

ఈయకుండ, తిట్టనేల?

ఉత్తముడవు నీవగుచో

ఫేసుబుక్కు ప్రశ్నములకు

సమాధానమీయవయ్య!

పరనిందలు మానుమయ్య!!

నీ మాటల గారడితో

అభిమానులు మెచ్చగలరు,

కల్లబొల్లి ఏడ్పులన్ని

తెలగాణులు నమ్మరయ్య!

నీ పార్టీ మాకు వలదు!

మోసగించు చేత వలదు!

నటియించెడి మాట వలదు!

మేక వన్నె పులియు వలదు!!

"తెలంగాణ" అనియు కాక,

"జై ఆంధ్రా" అనియు కాక,

మధ్యస్థమ్ముగ నుండిన

నాటకాలు కాక యేమి?

టీడీపీ మాకు వలదు,

వైసీపీ మాకు వలదు,

సమైక్యాంధ్ర పార్టి వలదు,

జనసేనయె మాకు వలదు!

మత తత్త్వము అంటుకొనని

పార్టిమాకు కావలెనయ!

సీమాంధ్రుల పొత్తులేని

పార్టి మాకు కావలెనయ!!

జనమనగానెవ్వరయ్య?

సీమాంధ్రుల? తెలగాణుల?

ఇరువురి వంచించునట్టి

నీ గానము మాకు వలదు!

సమైక్యాంధ్ర అంటావా?

తెలంగాణ అంటావా?

తెలుగుతల్లి కాక, తెలం

గాణతల్లి అంటావా?

తెలుగుతల్లి అనకుండా

ఆంధ్రనెట్లు జీవింతువు?

నాటకాలు కట్టిపెట్టి,

మూటముల్లె సర్దవయ్య!

అరువదేండ్లు మము దోచిన

సీమాంధ్రుల పొత్తు ఉన్న

పార్టీయే మాకు వలదు!

నీ జనసేనయె వలదయ!!

జై తెలంగాణ!    జై జై తెలంగాణ!