బిల్లుపైఁ జర్చ సేయంగ వీలు పడని
యల్ప సమయమ్ముఁ బెంచంగ నాశతోడ
గడువుఁ బొడిగింపుఁడని కోరె కార్యదర్శి
రాష్ట్రపతి మ్రోల లేఖను వ్రాసిపంపి!
అదియుఁ గేంద్రమ్మునకుఁ జేరినట్లుగాను
వార్త వేగమే బయటికి వచ్చెనయ్య!
కార్యదర్శిని యడుగఁగాఁ గల్ల యనుచుఁ
బ్రకటనముఁ జేసె వెంటనే వార్తఁ ద్రుంచి!
ఇందులో గుట్టు పెరుమాండ్ల కెఱుక యయ్య!
ఏ దసత్యమో నిజమున కేది సత్య
మో తెలియదయ్య! తెలగాణ నేతలంత
యప్రమత్తమ్ముగానుండ అదనిదయ్య!!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి