తెలంగాణ కవి పండిత మిత్రులకు, ప్రజలకు
మకర సంక్రాంతి పర్వదిన శుభాకాంక్షలు!!
జై తెలంగాణ! జై జై తెలంగాణ!
![]()
జై తెలంగాణ నినదమ్ము సకల జనుల
నిత్య నూతన మంత్రమై నింగి కెగయఁ,
గేంద్ర లక్ష్యమై తెలగాణ క్షేమముగను
మమ్ముఁ జేరంగ సంక్రాంతి మాత కనుము!
మా "తెలంగాణ బిల్" భోగి మంటలందు
నాహుతిని జేయ, శీఘ్రమే యది పునీత
యై వెలిఁగిపోయి, తెలగాణయై, బిరాన
మమ్ముఁ జేరంగ సంక్రాంతి మాత కనుము!
సీమ దౌష్ట్యమ్ము నణచియుఁ, జెలఁగి వదరు
ముఖ్యమంత్రికి నొసఁగి సద్బుద్ధి, వేగ
ముగఁ దెలంగాణ "రాష్ట్రమై" మోదమునను
మమ్ముఁ జేరంగ సంక్రాంతి మాత కనుము!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి