అంతా నా యిష్టం...

"నవ్వి పోదురు గాక నాకేటి సిగ్గు?

నా యిచ్చయే గాక నాకేటి వెఱపు?"

అని ముఖ్యమంత్రియే యక్రమమ్ముగను

పఱఁగ శాసనసభా వ్యవహార మంత్రిఁ

దొలఁగించి, తనమాటఁ దలఁదాల్చు నతని

నియమించి, తనయిచ్చ నెగ్గించుకొనెను!

తెలగాణ బిల్లును తెగనీయకుండఁ

జర్చకే రాకుండ సరగున నడ్డి,

వోటింగుఁ బెట్టియుఁ బూని బిల్లిపుడు

తమకనుకూల సత్తానుఁ జూపించి,

తీర్మానముం జేయు తీరుతోడుతను

దానిట్టి మార్పును బూనెనే కాని,

మూర్ఖత్వమే యిందుఁ బూర్తిగా నుండె!

బిల్లులో తానెన్ని పెనుమార్పు లిడిన

నెంత తీర్మానించి యేమి చేసినను

తన యిచ్చ చొప్పున తాను వర్తిలిన

గేంద్రమ్ము తనయిచ్చకే మొగ్గుఁ జూపు!

అధికార మున్నదం చాతనిన్ దింపఁ

దనను దింపెడివారు తనపైన లేరె?

సత్కార్యమును గోరి, సహియింత్రు గాని,

యెగురఁ గొట్టఁగఁ దన నెంతసేపగును?

ఎంత దూకుడుఁ జూపి, యెన్ని చేసినను,

తెలగాణ రాష్ట్రమౌ తీర్పు ఖాయమ్ము!

ముఖ్యమంత్రికి దక్కు మూర్ఖతే సుమ్ము!!

జై తెలంగాణ!    జై జై తెలంగాణ!