నవ్యాంగ్ల వత్సరాది శుభాకాంక్షలు!!

రెండు వేల పద్నాలుగు శ్రేయము లిడు!

రెండు వేల పద్నాలుగు ప్రేమఁ బంచు!

రెండు వేల పద్నాల్గు రాష్ట్రేప్సితమును

దీర్చి, తెలగాణ రాష్ట్రానఁ దేజరిల్లు!!

సకల జనులిట సంతోష సౌఖ్యములను

బొంది, వెలిఁగెడుఁ గావుత పూర్ణముగను!

శాంతిఁ బంచుత తెలుఁగు రాష్ట్రద్వయమున!

స్వేచ్ఛనొసఁగుత, యభివృద్ధి వేగ నిడుత!!

ఆయురారోగ్యభోగభాగ్యైహికములు

సకలశుభముల నొసఁగియు, సౌమ్యత నిడ,

నవ్య రాష్ట్రమ్మునం దెలంగాణ జనులు

శుభము లీప్సితములుఁ బొంది, శోభఁ గనుత!!

జై తెలంగాణ!   జై జై తెలంగాణ!