విలీనమైతే స్వీయాస్తిత్వము
మంటగలియును సంపూర్ణముగా!
ఆంధ్రతోడుతను తెలంగాణమే
విలీనమై బానిస కాలేదా?
విలీనమ్ము చేయుటకంటెను మరి
పొత్తును గూడిన కొంతనయమ్మగు!
అయినా కూడా కార్యకర్తలకు
ఆశాభంగమె తప్పక కలుగును!!
విలీనమ్ములును పొత్తులు మరచియు
స్వతంత్రమ్ముగా పోటిచేయవలె!
బంగరు తెలగాణము నిర్మించియు,
తెలంగాణలో వెలుగు నింపవలె!!
విలీనమంటే తెలంగాణమే
ఒప్పుకొనదయా, ఆలోచింపుడు!
తెలంగాణ ఆకాంక్షల దీర్చగ
విలీనమ్మునే మానుకొనగవలె!!
విలీనయోచన చేయగవలదిక,
నవ తెలగాణము ధ్యేయమైనచో!
శీఘ్రముగా తెలగాణము వృద్ధిని
పొందగవలయును, వెల్గగవలయును!!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి