దోపిడీకి సమకట్టిన
సీమాంధ్రుల ప్రతిన యిదే,
"ఆఱు నూఱుకాదు, తెలం
గాణ రాష్ట్రమే రా"దని!
తెలంగాణమేర్పడదని,
సమైక్యాంధ్ర శరణ్యమని,
దోపిడిదే పెద్దపీట,
మేమే పాలకులమనిరి!
సీమాంధ్రుల దౌష్ట్యమ్ములు
కేంద్రము గ్రహియించి నేడు
తెలంగాణ రాష్ట్రమిడెను,
ఆఱు నూఱు అయ్యెనయ్య!
నాడు అధర్మము వర్ధిల,
నేడు ధర్మమే గెలిచెను!
కాదన్నది జరిగితీరె!
అగునన్నది పారిపోయె!!
అహంకార ప్రకటనములు
నీరుగారి పోయెనయ్య!
"ధర్మమేవ జయతే"యను
సూక్తి నిలిచి వెలిగెనయ్య!!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి