ధర్మమేవ జయతే!

ఎంత విషం కక్కుచున్న,

ఎట్టి కుట్ర చేయుచున్న

తెలంగాణ రాష్ట్రమిపుడు

ఏర్పడుటయె ఖాయమయ్య!

దౌష్ట్యాంధ్రుల దౌర్జన్యాల్

అబద్ధాల ప్రచారాలు,

కేంద్రమ్మును మభ్యపెట్ట

జాలవింక ఎప్పటికీ!

సీమాంధ్రులు చేయునట్టి

దుడుకు చేతలను చూసిన

కేంద్రమునకు అర్థమాయె

తెలంగాణ వేదనమ్ము!

మందబలముతోడ తెలం

గాణ నణచి దోచినట్టి

అహంకార సీమాంధ్రుల

చర్య తేటతెల్లమాయె!

రాష్ట్రమ్మును విభజించుట

తప్పనిసరి కార్యమ్మని

కేంద్రమ్మే నిశ్చయించి

తెలంగాణ నీయ గడగె!

ఎన్ని పిచ్చి వేషాలను

వేసిన నిక నమ్మరయ్య!

ఎన్ని నీచ కుతంత్రాలు

పన్న, తిప్పికొడుదురయ్య!!

ఎట్టి పరిస్థితులలోను

తెలంగాణ రాష్ట్రమ్మున

కేర్పాటును చేయుటకై

కేంద్రమ్మే పూనెనయ్య!

తెలంగాణ రాష్ట్ర స్వప్న

సాకారమ్మగునయ్యా!

ధర్మపక్ష తెలంగాణ

ఉద్యమమే నెగ్గెనయ్య!!

జై తెలంగాణ!   జై జై తెలంగాణ!