అఱువ దేఁడుల నుండి పోరాడుచున్న
మా తెలంగాణ జనముల మానసమున
హైదరాబాదుతోఁ గూడినట్టి దైన
నవ్య తెలగాణ రాష్ట్రమ్ము నాదరమున,
షరతు లేమి విధింపక, సరగున నిడి,
వేడుకను గూర్పఁ గేంద్రమున్ వేడుచుంటి!
మా తెలంగాణ జనులు నమాయకులని,
మమ్ము వంచింపఁ జూచు సీమాంధ్ర నాయ
కుల కుటిల బుద్ధి నెఱిఁగి, చేకూర్పుఁడు హిత
మనుచు, వేడుచుంటిని కేంద్ర ఘనుల నిపుడు!
అఱువ దేఁడుల నుండి మే మన్ని రంగ
ములలొ మోసగింపఁ బడియు, నిలిచితి మిట!
ఇంక మోసగింపక, మాకు హితము గలుగు
కృత్యములు సేయఁ గోరెదఁ గేంద్ర ఘనుల!
జై తెలంగాణ! జై జై తెలంగాణ!
కామెంట్‌లు లేవు:
కామెంట్‌ను పోస్ట్ చేయండి