(1)
అఱువ దేఁడుల నుండియు నక్రమముగ
సంగ్రహించిన వన్నియు సక్రమముగ
స్వంతముం జేసికొనుటకు వార లిపుడు
యూటి నినదమ్ముఁ జేయుచు నుండి రయ్య!
(2)
అక్రమాస్తులు, భూములు నన్ని తమకె
హక్కు భుక్తమ్ముగాఁ జెంది, యడుగువారు
లేక యుండఁగ వలెనని యేకముగను
యూటి నినదమ్ముఁ జేయుచు నుండి రయ్య!
(3)
ఎన్ని వేషాలు, మోసాలు, నెన్ని లొసుఁగు,
లెన్ని దౌష్ట్యమ్ము, లక్రమా, లెన్ని కతల
తోడ నార్జించిన సిరుల్ దొలఁగకుండ
యూటి నినదమ్ముఁ జేయుచు నుండి రయ్య!
(4)
అప్పు డెప్పుడొ పొందిన యిట్టివాని
లెక్క తేల్చంగఁ బూనెద రిక్క డనుచు,
నక్రమాస్తులు జప్తుల నందకుండ
యూటి నినదమ్ముఁ జేయుచు నుండి రయ్య!
(5)
“మాకు దక్కని దేదైన మాకుఁ గాక,
మఱి యొకరికి దక్కఁగ నీయ” మనెడి దుష్ట
చింత తోడ సీమాంధ్రులుఁ జేరి యచట
యూటి నినదమ్ముఁ జేయుచు నుండి రయ్య!
జై తెలంగాణ! జై జై తెలంగాణ!
2 కామెంట్‌లు:
సత్యాన్ని చక్కగా వివరించారు.
అభినందన!
ధన్యవాదాలు ఫణీంద్రగారూ!
కామెంట్‌ను పోస్ట్ చేయండి