తెలంగాణకు పరిష్కారం ఇలాగే ఉండాలి!

హైదరాబాదు “యూటి” చేయంగ వలదు!

భద్రగిరి మాదె! మునగాల వలయు మాకు!

పంచ వర్షము లుమ్మడి నుంచఁ, జాలు!

పోలవర “డిజైను”ను మార్చి, ముంపు గలుగ

కుండఁ జేయంగ వలయు మా కోర్కి మేర!

కఱువ దేఁడులఁ దెలగాణ మందినట్టి

నష్ట మెంతయో లెక్కించి, నష్ట మంతఁ 

బూడ్చవలయును! సీమాంధ్ర పొందినట్టి 

లాభముల లెక్కఁ దేల్చి, తల్లాభములను 

బఱఁగ నే దొంగ లొందిరో, నిజవిచార 

ణమ్ముఁ జేయించి, చర్యల నపుడుఁ గొనుఁడు! 

నాఁటి ప్రకటన నుండియు నేఁటి వఱకు

ముఖ్యమంత్రి యిడిన “జీవొ” మొత్తములను

వేగిరమె విచారణకుఁ దెప్పించి, వాని

లోన లొసుఁగు లెన్నియు నున్న, వాని రద్దు 

పఱచి, సీమాంధ్ర వారి దుష్పాలనమును 

కేంద్ర మెఱిఁగి, తెలంగాణ కిడుఁడు న్యాయ 

మిపుడు! తెలగాణ కాంక్షల మెఱయఁజేయు 

రాష్ట్ర మందఁజేయఁగ నాదు ప్రణతు లివియె! 

జై తెలంగాణ! జై జై తెలంగాణ!