తెలంగాణ జల ప్రణాళిక "మిషన్ గోదావరి"!!!

గోదావరికి దక్షిణ గంగ అని పేరు. తెలంగాణలో ఈ నది ఉపయోగపడకుండానే ప్రవహిస్తూ పోతుంది. ఉత్తరాన ప్రాణహిత, వార్ధా, వెన్ గంగాలను కలుపుకుని పోచంపాడు వద్ద దశాబ్దాల కింద కట్టిన శ్రీరామ్‌సాగర్‌ను దాటుకొని సాగుతుంది. ఇటీవలే ఎల్లంపల్లి ప్రాజెక్టును మాత్రం నిర్మించారు. ఇక అక్కడి నుంచి ధవళేశ్వరం వరకు 460 కిలోమీటర్ల పొడుగునా ఒక్క గోదావరి జలాలను వినియోగించుకునేందుకు ఎలాంటి సాగునీటి ప్రాజెక్టు లేదు. ప్రాణహిత వైపు లేదా ఎల్లంపల్లి వైపు నుంచి భద్రాచలం వరకు గల 400 కిలోమీటర్లలో నీటిని వినియోగించుకోవడంపై తెలంగాణ దృష్టి సారించాలి. పోలవరం బ్యాక్ వాటర్ ఉండే ఆంధ్రప్రదేశ్‌లో ప్రవేశించే దాకా గోదావరి ప్రవాహంలోని నీటిని ఉపయోగించుకునేందుకు ప్రాజెక్టులను నిర్మించుకోవాలి. 

1. తెలంగాణ ప్రాజెక్టుల రూపకల్పన కోసం గోదావరిలో వాస్తవానికి ఎంత నీరు లభ్యమవుతున్నది? బచావత్ ట్రిబ్యునల్ ఉమ్మడి రాష్ర్టానికి వాటా కేటాయించిన నేపథ్యంలో- దీనికి చాలా మంది చెప్పే సమాధానం 1480 టీఎంసీలు. గోదావరి ఎక్కువగా తెలంగాణలోనే ప్రవహిస్తున్నది. కనుక, సీలేరు, శబరి జలాలను మినహాయించినా, మనకు ఈ మొత్తం వస్తుందని భావిస్తారు. నిజానికి ఈ నీటి లభ్యత ఎంత అనేది పరిశీలించాలని భావించాను. కేంద్ర జలవనరుల కమిషన్ దేశ వ్యాప్తంగా ప్రధాన నదులపై హైడ్రో అబ్జర్వేషన్ స్టేషన్‌లను ఏర్పాటు చేసి డేటాను ప్రచురిస్తుంది. 
దీనికి తోడు తెలంగాణ, ఆంధ్రప్రదేశ్‌లలోని ఆన్ లైన్ ఇన్ రిజర్వాయర్ స్టోరేజ్ మానిటరింగ్ సిస్టం ద్వారా కూడా నీటి లభ్యతను, ప్రవాహతను తెలుసుకోవచ్చు. ఈ క్రమంలోనే 2007-2012 మధ్య వీటిలో ప్రవహించిన నీటి ప్రవాహ సరాసరిని తీసుకుని నీటి ప్రవాహతను లెక్క తీయవచ్చు. దీని ప్రకారం గోదావరి బేసిన్‌లో నీటి లభ్యత వివరాలు పరిశీలించినప్పుడు ఆశ్చర్యకరమైన విషయం వెల్లడైంది. 

భద్రాచలం వద్ద నుంచి ఆంధ్రప్రదేశ్‌లోకి ప్రవహిస్తున్న గోదావరి నీరు 2,163 టీఎంసీలు! అంటే తెలంగాణలో నీటిపారుదల, జల విద్యుత్‌కు భారీ అవకాశాలు ఉన్నాయి. ప్రాణహిత దగ్గర లభించే నీరు 350 టీఎంసీలు మాత్రమే కాదు. సముద్రమట్టానికి 140 మీటర్ల ఎత్తు నుంచి 700 టీఎంసీల నీళ్ళు వచ్చి పడుతున్నాయి. దీని ఆధారంగా జల విద్యుత్తును ఉత్పత్తి చేయడమే కాకుండా, నాలుగు వందల కిలోమీటర్ల మేర నదీ మార్గాన్ని కూడా వృద్ధి చేసుకోవచ్చు. 75 శాతం సగటు ప్రవాహం లెక్కగట్టినా 1,622 టీఎంసీల నీరు లభిస్తుంది.

2. డ్యాం/బ్యారేజీలకు అనువైన స్థలాలు- నీటి ఉపయోగం?తుమ్మిడిహట్టి: ఇది ప్రస్తుత ప్రతిపాదిత స్థలం. ఎత్తు విషయమై మహారాష్ట్రతో అంగీకారానికి రావలసి ఉన్నది. మహారాష్ట్ర వైపు ముంపును తగ్గించడానికి ఎత్తు, ప్రదేశం విషయంలో కొంచెం తగ్గినా తప్పులేదు. ఈ ప్రదేశం వద్ద 152 మీటర్ల ఫుల్ రిజర్వాయర్ లెవల్‌కు అంగీకరించినా, లిఫ్టు లేకుండా 160 టీఎంసీలు మళ్ళించడం ఎట్లా అనేది అర్థం కాని విషయం. లిఫ్టు ఏర్పాటు చేసి, ఎత్తు తగ్గించి, విడుదలైన నీటితో జల విద్యుత్‌ను ఉత్పత్తి చేయడం ఉత్తమం. సాగునీటిని, జల విద్యుత్‌ను (తదనుగుణంగా వ్యయాన్ని) పంచుకునే విషయమై మహారాష్ట్రతో చర్చించవచ్చు. కనీసం సగం తెలంగాణకు ఇవ్వాలె.

ముక్కిడిగూడెం:(116-136 మీ) ప్రతిపాదిత స్థలం నుంచి 55 కిలోమీటర్ల దిగువన కొండ వరుసలతో నీటిని నిలిపే లోయ వంటిది ఉన్నది. ఇది లిఫ్టుకు కూడా అనుకూలం. ప్రస్తుత ప్రాణహిత- చేవెళ్ళ పథకంలో గుర్తించిన మొదటి లిఫ్టు దీనికి 62 కిలోమీటర్ల దగ్గర ఉన్నది. ఇది చాలా అనుకూలమైనది. ఎందుకంటే ఈ స్థలం వల్ల ఎక్కువ ముంపు ప్రాంతం తెలంగాణవైపే ఉన్నది. అలాగే ఆదిలాబాద్ జిల్లాలోని పశ్చిమం నుంచి తూర్పుకు ప్రవహించే పెద్ద వాగు నీళ్ళు ఇక్కడకు చేరుతాయి. ప్రాణహిత కూడా దీనికి ముందుగానే ఉన్నది. సాగునీటిని, జల విద్యుత్‌ను (తదనుగుణంగా వ్యయాన్ని) పంచుకునే విషయమై మహారాష్ట్రతో చర్చించవచ్చు. కనీసం సగం తెలంగాణకు ఇవ్వాలె. దీని వల్ల తెలంగాణ, మహారాష్ట్రలోనున్న విదర్భలోని వెనుకబాటు తనాన్ని ప్రాణహిత ద్వారా పారదోలవచ్చు.

ఎగువ కాళేశ్వరం (100-120 మీటర్లు) : నీటి లభ్యత ఎక్కువగా ఉండే అద్భుతమైన ప్రాంతం ఇది. ఇక్కడే ప్రాణహిత, గోదావరి కలుస్తాయి. కానీ ఎత్తు ఎక్కువగా ఉంటే ముంపు ఎక్కువగా మహారాష్ట్రలో ఉంటుంది. అందువల్ల ఎత్తు తగ్గించి, రివర్సిబుల్ టర్బైన్స్‌తో జల విద్యుత్ కేంద్రం ఏర్పాటు చేయాలి. దగ్గరలో దిగువ కాళేశ్వరం డ్యాం ఉంటుంది.

దిగువ కాళేశ్వరం (93-115 మీటర్లు): ఈ రెండు రిజర్వాయర్ల మధ్య తక్కువ ముంపుతో లోయర్ రిజర్వాయర్ ఏర్పడుతుంది. ఎగువ, దిగువ రిజర్వాయర్ల మధ్య రివర్సిబుల్ టర్బైన్స్ కోసం అనుకూలమైన దిగువ రిజర్వాయర్ ఏర్పాటు చేయవచ్చు.

ఇచ్చంపల్లి (80-100 మీటర్లు): ఒకప్పుడు 125 మీటర్ల ఫుల్ రిజర్వాయర్ లెవల్‌తో వెయ్యి టీఎంసీల నీటిని వినియోగించుకునే భారీ ప్రాజెక్టును రూపకల్పన చేశారు. కానీ నిర్మాణం జరగలేదు. అటవీ ఖనిజ సంపద మునగ కుండా వంద మీటర్ల ఫుల్ రిజర్వాయర్ లెవల్‌తో నిర్మించవచ్చు. దీని నుంచి పైప్ ద్వారా దేవాదులకు నీరు పంపవచ్చు. 75 నుంచి 90 మీటర్ల మేర నీటిని తోడడం తప్పుతుంది. దీని వల్ల విద్యుత్ ఆదా అవుతుంది.

కంతనపల్లి:(70-85 మీ) సాగునీటి ప్రాజెక్టు ప్రారంభించడానికి తెలంగాణ ప్రభుత్వం అధిక ప్రాధాన్యం ఇవ్వవలసిన స్థలం ఇది. ఇక్కడ ఇరువైపుల తెలంగాణ భూభాగం ఉన్నది కాబట్టి ఎంత పెద్ద ప్రాజెక్టు వీలైతే అంత నిర్మాణం చేపట్టాలి. ఇక్కడి నుంచి దేవాదులకు నీటిని అందిస్తూ, విద్యుత్ వినియోగం తగ్గిస్తుంది. ప్రాణహిత, ఇంద్రావతి జలాలు భారీగా చేరడం వల్ల, గోదావరి మిగులు జలాలతో వంద రోజుల పాటు పెద్ద ఎత్తున విద్యుత్ ఉత్పత్తి చేసుకోవచ్చు.

ఎదిర: (57-70 మీ) ఇక్కడ మంచి బ్యారేజీని నిర్మించడానికి తెలంగాణకు రెండో ప్రాధాన్య ప్రాజెక్టు స్థలం. ఇక్కడ కూడా నీళ్లు, ముంపు ప్రాంతాలు తెలంగాణ భూభాగంలోనే ఉంటాయి. ప్రాజెక్టుకు రెండువైపులా వినియోగించుకుని సాగునీటి, థర్మల్ ప్లాంట్స్, హైడ్రో పవర్‌ను ఏర్పాటు చేసుకోవచ్చు.

పర్ణశాల:(50-60 మీ) దీనిపై మరింత అధ్యయనం చేయాల్సిన అవసరం ఉన్నది.

దుమ్ముగూడెం:(45- 50 మీ.) ఇది పోలవరం ప్రాజెక్టు వల్ల మునిగిపోతుంది. కాబట్టి దీనిపై పెద్ద బ్యారేజీ చేపట్టి భద్రాచలంకు రక్షణ ఇవ్వాల్సిన అవసరం ఉన్నది. దీనిని మరింత క్షుణ్ణంగా పరిశీలించాలి.

తెలంగాణ రాష్ట్రంలోని ప్రాణహిత, గోదావరి నదులపై చేపట్టబోయే ఈ డ్యాంల, బ్యారేజీ నిర్మాణం వల్ల మనం సాగునీటి కోసం 650 టీఎంసీలు ఉపయోగించుకోవచ్చు. అలాగే 4000 మెగావాట్ల విద్యుత్‌ను ఉత్పత్తి చేసుకోవచ్చు. ఈ విద్యుత్‌ను 200 నుంచి 400 మీటర్ల ఎత్తు వరకు నీటిని తరలించడానికి లిఫ్ట్ పంపుల కోసం ఉపయోగించుకోవచ్చు.

(నమస్తే తెలంగాణ దినపత్రిక సౌజన్యంతో)

జై తెలంగాణ!   జై జై తెలంగాణ!

ఇవి మరోచోటికి తరలిపోతే ఎవరికి నష్టం?

"అభివృద్ధి"యె అవకాశం!

మార్పుతెచ్చు చోదకం!

ఎట్టి పనియు మొదలైనా,

వెనుకనె అభివృద్ధి యుండు!!

సెక్రెటేరియట్‍ను ఎర్ర

గడ్డలోన పెడుదమన్న,

సాగరు ప్రక్షాళనన్న

హైదరబా దెమ్మెల్యే

లడ్డుపడుదురే? ఇంక

గగ్గోలులె? కోపాలే?

అంతర్జాతీయకళా

క్షేత్రం కడదామంటే,

కుంటి, గ్రుడ్డి సాకులేల?

అడ్డగింప జూడనేల?

"ఎర్రగడ్డ" సచివాలయ

మే "పికెట్‍"కు తరలినచో,

నష్టమెవ్వరికి జరుగును?

ఎర్రగడ్డ ప్రజలకె గద!

అభివృద్ధియె తొలగుకదా!!

ఎన్‍టీఆర్ స్టేడియమున

కళాభారతిని కట్టుట

నెమ్మెల్యేలడ్డుకొనిన

నష్టమెవ్వరికి జరుగును?

లోయర్ ట్యాంక్‍బండ్‍ నివాసు

లకె జరుగును యోచింపుడు!!

ప్రభుత్వమ్ము నిర్ణయించు

ప్రదేశములలొ నిర్మించిన

ఆ ప్రదేశములె వృద్ధిని

పొంది వెలిగిపోవును గద!

కళాభారతి నశోక్‍నగర్

విడచిన వేరొక చోటకు

పద్మరావొ, తలసానో

సంతసాన కొనిపోదురు!!

తరువాతను అశోక్ నగర్

పరిస్థితియు నెటకుపోవు?

ఏ వృద్ధియు లేకుండా

చరిత్రలో నిలిచిపోవు!!

ఎమ్మెల్యే లైదేండ్లే!

ప్రజలో? స్థిరనివాసులే!!

అశాశ్వతులె అడ్డుపడిన

శాశ్వతులకె నష్టమ్మగు!!

యోచింపుడు ప్రజలారా

ఏమి చేయవలెనొ యిపుడు!!!

(నమస్తే తెలంగాణ దినపత్రిక సౌజన్యంతో)

(సవాల్ రెడ్డిగారి వ్యాసంకోసం ఇక్కడ క్లిక్ చేయండి)

జై తెలంగాణ!    జై జై తెలంగాణ!

వీళ్ళకు తెలంగాణ సోయి ఇంకెప్పుడొస్తుంది?

చంద్రబాబు తన ప్రాధాన్యం, తన ప్రాంతం ఆంధ్ర అని విభజనకు ముందే రుజువు చేసుకున్నారు. తెలంగాణలో ఇంక తనకేమీ మిగలదన్న చైతన్యం ఆయనకు అప్పుడూ ఉంది, ఇప్పుడూ ఉంది. ఇక్కడ ఈ మాత్రం ఎమ్మెల్యేలు గెలుస్తారని చంద్రబాబు కూడా ఊహించలేదు. ఇప్పుడు కూడా తెలంగాణ వ్యతిరేకతను ఆయన ఎప్పుడూ దాచుకోలేదు. దాచుకోలేడు. మన ప్రాజెక్టులను, మన ప్రయోజనాలను, మన కరెంటును, మన నిధులను అన్నీ కైంకర్యం చేయడానికి ఆయన ఎటువంటి దాపరికం లేకుండా వ్యవహరిస్తూనే ఉన్నారు. 

ఇంత జరుగుతున్నా ఆంధ్ర నాయకత్వంలోని పార్టీలో ఉండి, తెలంగాణ ప్రయోజనాలకు వ్యతిరేకంగా పనిచేస్తున్న పార్టీలో ఉండి తెలంగాణ రాష్ట్రాన్ని సాధించిన నాయకులపై దాడి చేస్తున్నప్పుడు ఎవరికయినా కలిగే అనుమానమే ఇది. 

• వీళ్లకు ఏమి ఖర్మ వచ్చింది? 
• ఎందుకిలా మాట్లాడుతున్నారు? 
• తెలంగాణ సోయి ఎందుకు రాలేదు? 

స్వరాష్ట్రం దక్కించుకున్నా తెలంగాణ ఆత్మగౌరవంపై ఆధిపత్యశక్తుల దాడు లు ఆగలేదు. స్వాతంత్య్రం వచ్చిన తర్వాత కూడా తెల్లోడే నయం అన్నవాళ్లున్నారు. ఇప్పుడు కూడా రాజశేఖర్‌రెడ్డే నయం, చంద్రబాబే నయం అనే బానిస రాజకీయ సంతతి ఇంకా తెలంగాణలో కొనసాగుతున్నది. వీళ్లకు ఇంకా సొంత తెలివి రాలేదు. ఆత్మగౌరవ చైతన్యం అసలే లేదు. ఇంకా ఎవరో రాసిచ్చిన స్క్రిప్టులను చదవడమే. ఎవరో కీ ఇస్తే ఆడడమే. ఎవరో రెచ్చగొడితే వాగడమే. విచిత్రం ఏమంటే మోత్కుపల్లి, ఎర్రబెల్లి, రేవంత్‌రెడ్డి, ఒక పత్రికాధిపతి, ఒక మావోయిస్టు ప్రతినిధి, కొందరు బీజేపీ నేతలు అందరూ ఒకే బాణీలో ఒకే తీవ్రతలో మాట్లాడుతుండడం. వారికి మచ్చలు తప్ప చంద్రుడు కనిపించడం లేదు. తెలంగాణ సాధించుకుని మనం ఏమి ప్రయోజనం పొందామో వారు చూడదల్చుకోలేదు. మాట్లాడదల్చుకోలేదు. తెలంగాణ అంతా సాఫీగా జరిగిపోతుండడం చూసి వారు జీర్ణించుకోలేకపోతున్నారు. అజీర్తితో అస్తమానం మీడియా ముందు వాంతులు చేసుకుంటున్నారు. కొందరయితే తమ రాజకీయ సైజును మించి ఊహించుకుంటున్నారు, ఎట్లబడితే అట్ల మాట్లాడుతున్నారు. ఇందులో ఒకటే సూత్రం చంద్రబాబుకు అక్కడ ఏమి చేసినా ప్రతిష్ఠ పెరగడం లేదు. నేరుగా ప్రజలను ఆదుకునే పని ఏదీ జరగడం లేదు కూడా. రుణమాఫీ కంపు కంపు చేసి వదిలిపెట్టారు. డ్వాక్రా మహిళలను నట్టేట ముంచారు. అక్కడ రైతుల ఆత్మహత్యలు యథాతథం. పాత ప్రాజెక్టులకు మరోసారి శంఖుస్థాపనలు చేయించడం తప్ప పారిశ్రామిక ప్రగతి కూడా గొప్పగా ముం దుకు సాగడం లేదు. ఇంతకాలం ఆంధ్ర ఆదాయంతో తెలంగాణను పోషించినట్టు గా బిల్డప్ ఇచ్చారు. ఇప్పుడు తేలిపోయింది. ఆంధ్ర లోటు రాష్ట్రమని. ఆయనకు సమస్యలు తలెత్తడం సహజం. వాటిని ఎదుర్కోవడానికి ఎక్కడ కొట్లాడాలో అక్కడ కొట్లాడడం లేదు. వాటిని పరిష్కరించుకోవడానికి ఎక్కడ దృష్టిని కేంద్రీకరించుకోవాలో అక్కడ కేంద్రీకరించడం లేదు.

అందుకే ఆయన పక్క రాష్ట్రంపై దృష్టిని మళ్లించారు. మనం పెరగకపోయినా పర్వాలేదు, పక్క వాడి ప్రతిష్టను తగ్గించాలి. తెలంగాణ ముఖ్యమంత్రి చంద్రశేఖర్‌రావును బద్నాం చేయడం ఎలా అన్న అంశంపై ఆయన చాలా యాతన పడుతున్నాడు. మీకు తెలుసా వారు డెయిలీ వేజెస్ తీసుకుని మాట్లాడుతారు. ఏ రోజుకారోజే చంద్రబాబు దగ్గరికెళ్లి చెయ్యి చాపుతారు. చంద్రబాబు ఏమీ చెయ్యకపోతే నాలుగురోజులు మాటలు బందు. కూలీ ఇస్తేనే ప్రెస్ కాన్ఫరెన్సులు. చంద్రబాబు ఎంత డబ్బయినా ఖర్చు చేసి తెలంగాణలో దుకాణం కాపాడుకోవాలనుకుంటున్నాడు అని టీడీపీ వార్తలు రాసే ఒక జర్నలిస్టు చేసిన వ్యాఖ్య విన్నప్పుడు విస్మయం కలిగింది. అమర్యాదకరంగా అనిపించింది. కానీ జరుగుతున్న పరిణామాలు చూస్తుంటే ఎవరికయినా అలా అనిపించే అవకాశం ఉంది. చంద్రబాబు తన ప్రాధాన్యం, తన ప్రాంతం ఆంధ్ర అని విభజనకు ముందే రుజువు చేసుకున్నారు. తెలంగాణలో ఇంక తనకేమీ మిగలదన్న చైతన్యం ఆయనకు అప్పుడూ ఉంది, ఇప్పుడూ ఉంది. ఇక్కడ ఈ మాత్రం ఎమ్మెల్యేలు గెలుస్తారని చంద్రబాబు కూడా ఊహించలేదు. ఇప్పుడు కూడా తెలంగాణ వ్యతిరేకతను ఆయన ఎప్పుడూ దాచుకోలేదు. దాచుకోలేడు. మన ప్రాజెక్టులను, మన ప్రయోజనాలను, మన కరెంటును, మన నిధులను అన్నీ కైంకర్యం చేయడానికి ఆయన ఎటువంటి దాపరికం లేకుండా వ్యవహరిస్తూనే ఉన్నారు. ఇంత జరుగుతున్నా ఆంధ్ర నాయకత్వంలోని పార్టీలో ఉండి, తెలంగాణ ప్రయోజనాలకు వ్యతిరేకంగా పనిచేస్తున్న పార్టీలో ఉండి తెలంగాణ రాష్ర్టాన్ని సాధించిన నాయకులపై దాడి చేస్తున్నప్పుడు ఎవరికయినా కలిగే అనుమానమే ఇది. వీళ్లకు ఏమి ఖర్మ వచ్చింది? ఎందుకిలా మాట్లాడుతున్నారు? తెలంగాణ సోయి ఎందుకు రాలేదు? అని ఎవరయినా ప్రశ్నిస్తారు.

తెలంగాణలో అసలు విమర్శ ఉండకూడదా అని కొందరు ప్రశిస్తున్నారు. ముఖ్యమంత్రిలో ప్రతికూలాంశాలు లేవా అని మరొకాయన ప్రశ్నించారు. విమర్శ ఉండాలి, విచక్షణ కూడా ఉండాలి. విమర్శ వినేవాళ్లకూ సహేతుకం అనిపించాలి. ఎవడో ఎక్కించిన కుళ్లును ఇక్కడ కుమ్మరించడం కాదు. ప్రతికూలాంశాలు మాట్లాడడానికి ఇంకా చాలా సమయం ఉంది. తెలంగాణ వచ్చిన పదిమాసాల్లో సాధించిన ఎన్నో మంచి పనుల గురించి ఎందుకు మాట్లాడరు? మన హక్కులను మనం ప్రకటించుకుంటున్నాం. మన ప్రయోజనాలను మనం కాపాడుకుంటున్నాం. మన ప్రభుత్వం మన మనసుతో పనిచేస్తున్నది. అది ఎందుకు చూడడం లేదు? ఢిల్లీ నుంచి వచ్చిన అధికారులు సైతం మన రాష్ట్రం చేస్తున్న మంచి పనులను, చేపట్టిన పథకాలను మెచ్చుకుంటున్నారు. మీరు అదృష్టవంతులు. మీకు మంచి ముఖ్యమం త్రి దొరికారు. రాష్ర్టానికి సంబంధించి ఆయనకున్న అవగాహన, ఆలోచనలు అద్భు తం. మీరు చేయవలసిందల్లా మరో పదేళ్లపాటు ఆయన చల్లగా ఉండేట్టు, అధికారంలో ఉండేట్టు చూసుకోవడమే అని ఢిల్లీ నుంచి వచ్చిన ఒక అత్యున్నత అధికారి ఇటీవల వరంగల్ పర్యటన సందర్భంగా జిల్లా అధికారులతో జరిగిన ఇష్టాగోష్టి సమావేశంలో చెప్పారు. చంద్రశేఖర్‌రావు అందరిలాగా అధికారం అనుభవించవచ్చు. కానీ ఆయన తెల్లవారుజామున రెండుగంటల దాకా ప్రాజెక్టుల గురించి శోధిస్తారు. నెట్ ప్రపంచంలో చొరబడి గూగుల్ మ్యాప్‌లను ముందేసుకుని తెలంగాణలో ఏ నీరు ఎటు ప్రవహిస్తుంది? ఏ ప్రాంతం సముద్రమట్టం నుంచి ఎంత ఎత్తున ఉంది? ఏ నది వెడల్పు ఎంత? ఎక్కడ ప్రాజెక్టులు కడితే ఎంత ప్రయోజనం? ఏ వాగులు ఎక్కడ ఉన్నాయి అని గంటల తరబడి చూస్తారు. ఆయన గూగుల్ చేసి, గుర్తులు పెట్టి, కాపీ చేసిన మ్యాపులు చూస్తే ఆయన పడుతున్న ఆరాటం, తపన ఎంతో తెలుస్తాయి. మ్యాపుల ముందు నిలబడి బడి పంతులులాగా తమ పార్టీ నాయకులందరికీ పాఠాలు చెబుతుంటే ఢిల్లీ అధికారులు చేసిన వ్యాఖ్యల్లోని సామంజస్యం అర్థమవుతుంది. కంప్యూటర్లు, ల్యాపుటాపులు, మొబై లు ఫోన్లు తెలుగు ప్రజలకు నేనే పరిచయం చేశానని చెబుతున్న నాయకులకు రాష్ట్రంలో ఏ నది ఎక్కడ, ఏ ప్రాజెక్టు ఎక్కడ ఉందో తెలుసని అనుకోలేం.

అంతేకాదు చంద్రశేఖర్‌రావు విద్యుత్ రంగంలో ప్రారంభించింది ఒక విప్లవమే. చంద్రబాబు అధికారంలోకి రాగానే పీపీఏలను తెచ్చాడు. ఇష్టారాజ్యంగా ప్రైవేటు కంపెనీలకు ప్రభుత్వ ధనాన్ని, భూములను ధారాదత్తం చేసి కమీషన్లు నొక్కేసి విద్యుత్ ఉత్పాదన రంగం జుట్టును ప్రైవేటు పెట్టుబడిదారుల చేతుల్లో పెట్టాడు. విద్యుత్ రంగంలో గవర్నమెంట్ టు గవర్నమెంటు(జీటుజీ) విధానాన్ని తీసుకువచ్చిన ఘనత కేసీఆర్‌దే. ఇప్పటివరకు రూపకల్పన చేసిన ప్రధాన విద్యుత్ ఉత్పాదన ప్రాజెక్టులన్నీ ప్రభుత్వ రంగ సంస్థల చేతుల్లోనే పెట్టారు. జెన్‌కో, సింగరేణి, ఎన్‌టిపీసీలు ఉత్పాదన చేస్తాయి. వాటికి అవసరమైన వ్యవస్థాపన యంత్రాలన్నీ బీహెచ్‌ఈఎల్‌కు అప్పగించారు. చంద్రబాబు నుంచి ఇటువంటిది కలలోనైనా ఊహించగలమా? అన్నింటినీ మించి విద్యుత్ సరఫరాలో అంతరాయం రాకుండా ఆయన తీసుకున్న చర్యలు అసాధారణమైనవి. నిన్నగాక మొన్న రాష్ట్రం వచ్చింది. కొత్తగా విద్యుత్ ఉత్పాదన ఏదీ ప్రారంభం కాలేదు. కేసీఆర్ చేతిలో అల్లావుద్దీన్ అద్భుత దీపం ఏదీ లేదు. కానీ ఆరు మాసాల్లోనే కరెంటు కోతలు లేని తెలంగాణను చూపించారు. విద్యుత్ ఇవ్వగలిగితే గ్రామాల్లో రైతులకు ఎంత ఊరట లభిస్తుందో ఈ వేసవి అనుభవం చెబుతున్నది. ఈసారి ట్రాన్స్‌ఫార్మర్లు, కరెంటు మోటార్లు పదేపదే కాలిపోవడాలు, సబ్ స్టేషన్ల చుట్టూ, మెకానిక్‌ల చుట్టూ తిరగడాలు బాగా తగ్గిపోయాయి. ఇది ఎలా సాధ్యమైంది? అంటే మన రాష్ట్రం, మన ముఖ్యమంత్రి, మన మనసుతో ఆలోచిస్తే మార్గం ఉంటుంటుదని ఆయన రుజువు చేశారు. ఇంకో విచిత్రం కూడా గమనించాలి. సమైక్య రాష్ట్రంలో తెలంగాణ ప్రజలను కరెంటు కోతలతో నరకయాతనకు గురిచేసిన ఆంధ్ర నాయకత్వం, విడిపోగానే ఆంధ్రలో 24 గంటల కరెంటు ఎలా ఇవ్వగలుతున్నారు? ఇప్పుడు ఆంధ్రలో 24 గంటలు కరెంటు ఇవ్వగలిగిన ప్రభువులు గతంలో తెలంగాణలో ఆరుగంటలు కరెంటు కూడా ఎందుకు ఇవ్వలేకపోయారు? సమైక్యపాలనలో ఎండాకాలం రాకముందే జనవరిలోనే కరెంటుకోతలు మొదలయ్యేవి.జనవరిలో నగరాల్లో ఒక గంట కోతతో మొదలయి, మే వచ్చే సరికి నాలుగు గంటలు కోతలు విధించేవారు. రైతులనయితే పూర్తిగా గాలికి వదిలేసేవారు. మరి ఇప్పుడెలా సాధ్యమైంది? మనవాడైతే కడపంక్తిలో కూర్చున్నా పెడతాడని సామెత. పరాయివాడు ముందు వరుసలో కూర్చున్నా పెట్టడు. సమైక్య ముఖ్యమంత్రులు తెలంగాణకు ఎప్పుడూ పరాయివాళ్లే. కేసీఆర్ మన ముఖ్యమంత్రి, మనసు పెట్టి మన వాళ్లకు ఇబ్బంది రాకుండా చూడాలని తపించాడు కాబట్టి సాధ్యమైంది.

అదొక్కటే కాదు నాగార్జునసాగర్ ఎడమకాలువ నుంచి మన వాటా నీరు మనం తీసుకోగలిగామన్నా, రాజోలిబండ మళ్లింపు కాలువ నుంచి రబీలో కూడా మన వాటా తుంగభద్ర నీరు తెచ్చుకున్నామన్నా, తాగునీటి, సాగునీటి ప్రాజెక్టులను వేగిర పర్చామన్నా, మిషన్ కాకతీయను ఒక యజ్ఞంలా చేస్తున్నామన్నా తెలంగాణ చైతన్యం, అంకితభావం కలిగిన మన నాయకులు ఉన్నారు కాబట్టే సాధ్యమయింది. సంక్షేమ పథకాల అమలులో కూడా తెలంగాణ ప్రభుత్వం పూర్తి మానవీయ దృక్పథంతో వ్యవహరించింది. అమలులో కొన్ని లోటుపాట్లు జరిగి ఉండవచ్చు. కానీ మునుపెన్నడూ లేనంత మందికి పింఛన్లు ఇస్తున్నారు. మునుపెన్నడూ ఖర్చు చేయనన్ని నిధులు సంక్షేమంపై పెడుతున్నారు. సంక్షేమ హాస్టళ్ల విద్యార్థులకు మంచి అన్నం పెట్టాలన్న ఆలోచన గతంలో ఎప్పుడయినా చేశారా? తెలంగాణ ఏర్పడి పది మాసాలే అవుతున్నది. అయినా ఒక గణనీయమైన, గుణాత్మకమైన మార్పును చూపించగలిగారు కేసీఆర్. అయినా తెలంగాణకు చేసుకోవాల్సిన మేలు ఇంకా చాలా చాలా ఉంది. అందుకు ఒక నిర్మాణాత్మక రాజకీయ వాతావరణం అవసరం. విధ్వంసకర రాజకీయాలు, ఉన్మాద దాడులు రాష్ర్టానికి మేలు చేయవు. అటువంటి శక్తులను తెలంగాణ సమాజం ఇప్పటికే నేలకేసి కొట్టింది. అయినా వారు మళ్లీ మళ్లీ వెర్రితలలు వేస్తూనే ఉన్నారు. కష్టపడి త్యాగాలు చేసి సాధించుకున్న రాష్ట్రం ఇటువంటి నక్కలను చూసి చలించదు. వారి కూతలను, రాతలను లెక్కపెట్టదు.

-kattashekar@gmail.com

(నమస్తే తెలంగాణ దినపత్రిక సౌజన్యంతో)

జై తెలంగాణ!    జై జై తెలంగాణ!

పరాన్నభుక్కులు ఇలా కాక ఎలా ఉంటారు?

(ఏపీకి ప్రత్యేక హోదాకై తయారుచేసిన మెమొరాండంపై టీటీడీపీ నేతల సంతకాలు)

***        ***        ***        ***

నేతిబీరలోన నేయి

ఎంత ఉండునో, అట్టిదె

తెలంగాణ టీడీపీ

నేతలలో చిత్తశుద్ధి!!

నిద్రలేచినది మొదలుగ

టీఆరెస్‍పై నిప్పులు

గ్రక్కెడి చేతలె వారికి!

నోట మంచిమాట రాదు!!

చెప్పెడివియు నీతులు మఱి

దూరెడివింకేమొ సూక్తి

యట్టుల వ్యవహరించెదరు!

ఎఱ్ఱని గురివిందలుగద!!

తెలంగాణ మేలు కోరి

యెన్నడు మాటాడబోరు!

ఏపీ మేలుకు మఱిమఱి

మునుముందుకు బోవుచుంద్రు!!

ఉట్టికెక్కలేనమ్మయె

స్వర్గమ్మున కెగిరినట్లు,

తెలంగాణ బాగడుగరు!

ఏపీకై అడుగుచుంద్రు!!

ఏపీ రాష్ట్రపు విభజన

అన్యాయముగా జరిగిం

దని వాపోవుచు, అదియే

ఆర్థికముగ వెనుకబడెను

ప్రత్యేకపు హోద నీయు

మని కేంద్రమ్మును కోరెడి

మెమోరాండమున సంతక

ములను తెలంగాణపు టీ

డీపీ నేతలు పెట్టుట

నేమనవలెనయ చెప్పుడు!!

సరె, ఏపీ ప్రత్యేకపు

హోదానడుగుడు! అటులనె

తెలంగాణలో నెనిమిది

జిల్లాల్ వెనుకబడి లేవె?

వాటిని చూసైనా ఈ

టీటీడీపీ నేతలు

తెలగాణకు ప్రత్యేకపు

హోదానెందుకు అడుగరు?

పొరుగు రాష్ట్ర అభివృద్ధికి

పాటుపడెడు వీరలకును

స్వంత రాష్ట్ర అభివృద్ధియె

పట్టదెందుకో తెలియదు!!

చంద్రబాబు మోచేతిని

కారు నీరు త్రాగునట్టి

వారల కీ సంగతెటుల

పట్టునోయి? రామ రామ!!

సీమాంధ్రుల కూడిగమును

చేయునట్టివారలకును,

తెలగాణకు మేలుచేయు

నట్టి బుద్ధి యెట్లు పుట్టు?

"ఏపీకిని ప్రత్యేకపు

హోదనిడిన, తెలగాణకు

కూడ నీయవలె" ననియెడి

’మొయిలి’కున్న బుద్ధి యేది?

ఈ మాత్రపు జ్ఞానమైన

టీటీడీపీ నేతల

కుండినచో, తెలగాణకు

మేలుచేయువారగుదురు!!

బానిస బుద్ధులు మారవె?

స్వేచ్ఛాతెలగాణ బుద్ధి

కొంచెమైన చూపబోరు

గద! పరాన్నభుక్కులైరి!!

***        ***        ***        ***

(నమస్తే తెలంగాణ దినపత్రిక సౌజన్యంతో)

(వార్తకై దీనిపై క్లిక్ చేయండి)

జై తెలంగాణ!    జై జై తెలంగాణ!

తెలంగాణలో ఉన్న 97 ఉమ్మడి సంస్థలు తెలంగాణవే!!!

-అధికారం, ఆస్తిపాస్తులు మనకే
-తెలంగాణ సంస్థల ఏర్పాటుతో ఏపీ సంస్థల అంతర్థానం
-హైకోర్టు తీర్పుతో స్పష్టత.. సంస్థల స్వాధీనం మొదలు
-చెరుపబోయి చెడ్డ ఆంధ్రప్రదేశ్
-హైకోర్టు తీర్పుపై స్టే కోసం ఏపీ ప్రయత్నాలు

కొండనాలుక్కి మందేస్తే ఉన్ననాలుక ఊడిందని ఉన్నత విద్యామండలి మీద పేను పెత్తనం కోసం కోర్టుకెక్కిన ఏపీకి అసలుకే ఎసరు వచ్చింది. ఈ నెల 1న వెలువడిన హైకోర్టు తీర్పు అనేక చిక్కుముళ్లకు పరిష్కారం చూపింది. ఈ తీర్పు ఫలితంగా ఇవాళ తెలంగాణ భూభాగంలోని మరో 97 సంస్థలు మనకే దక్కబోతున్నాయి. కుంటిసాకులతో.. గుడ్డిసాకులతో అధికారం చెలాయించి ఇక్కడి ఆస్తులు, నిధులు కొట్టేయాలని చూసిన ఆంధ్రప్రదేశ్ రాష్ర్టానికి తెలంగాణలో చిల్లిగవ్వ దక్కదని తేటతెల్లమైంది. వాస్తవానికి రాష్ట్ర విభజన చట్టం చాలా స్పష్టంగా తెలంగాణ భూభాగంలో కొనసాగుతున్న ఉమ్మడి సంస్థలపై సంపూర్ణ అధికారం తెలంగాణ ప్రభుత్వానికే ఉంటుంది అని చెప్పింది. ఉన్నత విద్యా మండలిపై అధికారం తెలంగాణకే చెందుతుందని ఈ నెల 1న వెలువడిన ఉమ్మడి హైకోర్టు ఇచ్చిన తీర్పు సారాంశం కూడా ఇదే అని విశ్లేషకులు భావిస్తున్నారు. 

చేయాల్సింది ఏమిటి?..

హైకోర్టు తీర్పుకు అనుగుణంగా ఆంధ్రప్రదేశ్ సంస్థల స్థానంలో తెలంగాణ సంస్థలు ఏర్పాటైతే ఆ స్థానంలో ఏపీ సంస్థలన్నీ ఉనికి కోల్పోతాయి. సదరు సంస్థలు తెలంగాణ ప్రభుత్వ పరిధిలోకి వస్తాయి. విభజన చట్టం ప్రకారం కూడా తెలంగాణ భూభాగంలో ఉమ్మడి సంస్థలు కొనసాగడానికి కొంత గడువు విధించారు. ఆలోపలే అన్ని రకాల ఉమ్మడి కార్యాలయాలలో తెలంగాణ సంస్థలు ఏర్పాటు చేసుకోవాల్సింది. ఏపీ ప్రభుత్వం కూడా తమ సంస్థలు తమ భూభాగంలో ఏర్పాటు చేసుకోవాలి. 

ఉనికి కోల్పోనున్న 107 ఉమ్మడి సంస్థలు..

తెలంగాణ రాష్ట్రం ఏర్పాటు నాటికి ఉమ్మడి రాష్ట్రంలో 107 సంస్థలు ఉమ్మడిగా కొనసాగుతున్నాయి. వీటిలో 97 సంస్థలు తెలంగాణ భూభాగంలో, 10 సంస్థలు ఆంధ్రప్రదేశ్‌లో కొనసాగుతున్నాయని సమాచారం. జూన్ 2, 2014 అపాయింటెడ్ డే నుంచి ఏడాదిలోగా వీటిని విభజించుకోవాలి. ఆ మేరకు ఉమ్మడి సంస్థల స్థానంలో ఇప్పటికే కొన్ని తెలంగాణ సంస్థలు ఏర్పాటయ్యాయి.

ఈ క్రమంలోనే తెలంగాణ ఉన్నత విద్యామండలి ఏర్పాటైంది. కోర్టు తీర్పు స్ఫూర్థితో మన రాష్ట్రంలో కొనసాగుతున్న 97 ఉమ్మడి సంస్థలు మేల్కొన్నాయి. తెలంగాణ ఇంటర్ బోర్డు స్పందించి తెలంగాణ ఇంటర్మీడియేట్ భవనంలో కొనసాగుతున్న ఏపీ ఇంటర్ బోర్డును తమకు వదిలేయాలని విజ్ఞప్తి చేయబోతుంది. ఇదే క్రమంలో అన్ని రకాల ఉమ్మడి విద్యా సంస్థలు, ఇతర ప్రభుత్వ సంస్థలు కూడా ఉన్నత విద్యా మండలి తీర్పు అనుసరించి హైకోర్టు నుంచి ప్రత్యేక ఆర్డర్ తెచ్చుకోవడానికి ప్రయత్నాలు ప్రారంభించాయి.

మళ్లీఆంధ్రా కుట్రలు..

తెలంగాణ విద్యామండలి ఏర్పాటు కావడంతో ఏపీ విద్యా మండలి ఉనికిలో లేదని ఉమ్మడి రాష్ట్ర హైకోర్టు తీర్పులో స్పష్టం చేయడంతో ఏపీ ప్రభుత్వం ఉలిక్కిపడింది. ఈ తీర్పు అమలును అడ్డుకోవడానికి సుప్రీంకోర్టులో కేసులు దాఖలు చేయడానికి ఏపీ అధికారులు ఢిల్లీకి వెళ్లారు.

మన రాష్ట్ర పరిధిలోని ఉమ్మడి సంస్థల జాబితా ఇలా ఉంది...

ఆంధ్రప్రదేశ్ స్టేట్ కోఆపరేటివ్ యూనియన్, ఎన్విరాన్‌మెంటల్ ప్రొటెక్షన్ ట్రైనింగ్ అండ్ రీసెర్చ్ ఇనిస్టిట్యూట్, ఆంధ్రప్రదేశ్ ఫారెస్ట్ అకాడమీ, ఏపీ స్టేట్ కౌన్సెల్ ఆఫ్ సైన్స్ అండ్ టెక్నాలజీ, ఏపీ ఎంసీహెచ్‌ఆర్‌డీ, సెంటర్ ఫర్ గుడ్ గవర్నెన్స్, స్టేట్ ఇనిస్టిట్యూట్ ఆఫ్ హెల్త్ అండ్ ఫ్యామిలీ వెల్ఫేర్, స్టేట్ బోర్డు ఆఫ్ టెక్నికల్ అండ్ ట్రైనింగ్, ఏపీ పోలీస్ అకాడమీ, వాటర్ అండ్ ల్యాండ్ మేనేజ్‌మెంట్, ట్రైనింగ్ అండ్ రీసెర్చ్ ఇనిస్టిట్యూట్, ఏఎంఆర్ ఏపీ అకాడమీ ఆఫ్ రూరల్ డెవలప్‌మెంట్, శ్రీరామానంద తీర్థ ట్రైనింగ్ రీసెర్చ్ ఇనిస్టిట్యూట్.

నల్లగొండ, ఏపీ ప్రొబేషనరీ అండ్ ఎక్సైజ్ అకాడమి, స్టేట్ ఇనిస్టిట్యూట్ ఆఫ్ ఎడ్యుకేషనల్ టెక్నాలజీ, స్టేట్ కౌన్సెల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్ ఇనిస్టిట్యూట్, ఏపీ స్టడీ సర్కిల్, ట్రైబల్ కల్చర్ అండ్ రీసెర్చ్ ఇనిస్టిట్యూట్, సంక్షేమ భవన్, ఇంటర్ బోర్డు, ఏపీ స్టేట్ సీడ్స్ సర్టిఫికెట్ ఏజేన్సీ, ఏపీ లైవ్ స్టాక్ డెవలప్‌మెంట్ ఏజేన్సీ, సెంటర్ ఫర్ ఫారెస్ట్ అండ్ నాచురల్ రీసెర్చ్ మేనేజేమెంట్ స్టడీస్, రంగారెడ్డి, ప్రెస్ అకాడమి, ఏయిడ్స్ కంట్రోల్ బోర్డు, మెడికల్ అండ్ అరోమెటిక్ ప్లాంట్స్ బోర్డు, హైదరాబాద్, పారా మెడికల్ బోర్డు, స్టేట్ కౌన్సెల్ ఆఫ్ హైయ్యర్ ఎడ్యుకేషన్, ఫోరెన్సిక్ ల్యాబరేటరీ,

స్టేట్ లెవల్ పోలీస్ రిక్రూట్‌మెంట్ బోర్డు, సొసైటీ ఆఫ్ ఏపీ నెట్ వర్క్, ఏపీ ఇంజనీరింగ్ రీసెర్చ్ ల్యాబ్స్, ఉర్దూ అకాడమి, అర్బన్ సర్వీస్ ఫర్ పూర్, హైదరాబాద్, ఏపీ రూరల్ లైవ్ హెడ్స్ ప్రాజెక్ట్(పీఎంయూ), మిషన్ ఫర్ ఎలిమినేషన్ ఆఫ్ పావర్టీ ఇన్ మున్సిపల్ ఏరియాస్ (మెప్నా), వాటర్ కన్‌జర్వేటర్ మిషన్, సొసైటీ ఆఫ్ ఎలిమినేషన్ రూరల్ ప్రావర్టీ, ఎంప్లాయిమెంట్ జనరేషన్ అండ్ మార్కెటింగ్ మిషన్, స్టేట్ రిమూవ్ సెన్సింగ్ అప్లికేషన్స్ సెంటర్, ఓపెన్ స్కూల్ సొసైటీ, గురుకుల విద్యాలయాల సంస్థ సొసైటీ,

ఏపీ సోషల్ వెల్ఫేర్ రెసిడెన్షియల్ ఎడ్యుకేషనల్ ఇనిస్టిట్యూషన్స్ సొసైటీ (ఏపీఎస్‌డబ్లూఆర్‌ఈఐ), స్టేట్ అగ్రికల్చర్ మేనేజ్‌మెంట్ అండ్ ఎక్స్‌టెన్షన్ ట్రైనింగ్ ఇనిస్టిట్యూట్, సాయిల్ కన్‌జర్వేషన్ ట్రైనింగ్ సెంటర్, హైదరాబాద్,స్టేట్ మేనేజ్‌మెంట్ ఇనిస్టిట్యూట్ ఫర్ లైవ్‌స్టాక్ డెవలప్‌మెంట్, మహాత్మా జ్యోతిరావుఫూలే బీసీ గురుకులాల సొసైటీ, బీసీ కమిషన్, హిందీ అకాడమి, తెలుగు అకాడమి, సంస్కృత అకాడమి, ఓరియెంటల్ మ్యాన్‌స్క్రిప్ట్స్ లైబ్రరీ అండ్ రీసెర్చ్ ఇనిస్టిట్యూట్, స్టేట్ ఆర్కివ్స్ అండ్ రీసెర్చ్ ఇనిస్టిట్యూట్, ఆర్‌జీయూకేటీ, జేఎన్‌టీయూ అండ్ ఫైన్ ఆర్ట్స్ యూనివర్సిటీ,

తెలుగు యూనివర్సిటీ, డాక్డర్ బీఆర్ అంబేద్కర్ ఓపెన్ యూనివర్సిటీ, సర్వ శిక్ష అభియాన్ అథారిటీ, ప్రభుత్వ పాఠ్యపుస్తకాల ముద్రణ సంస్థ, స్టేట్ సెంట్రల్ లైబ్రరీ, ఏపీ పొల్యూషన్ కంట్రోల్ బోర్డు, స్టేట్ బయోడైవర్సిటీ బోర్డ్, ఏపీ నేషనల్ గ్రీన్ కార్ప్, సికింద్రాబాద్, డైరెక్టరేట్ ఆఫ్ ఇనిస్టిట్యూట్ ఆఫ్ ప్రీవెంటీవ్ మెడిసిన్, ఏఈజీ ఏపీ సొసైటీ ఫర్ నాలెడ్జ్ నెట్ వర్క్, నేషనల్ ఇనిస్టిట్యూట్ ఆఫ్ అర్బన్ మేనేజ్‌మెంట్, ఏపీ స్టేట్ వక్ఫ్ బోర్డ్, ది సర్వే కమిషనర్ ఆఫ్ వక్ఫ్స్, సెంటర్ ఫర్ ఎడ్యుకేషనల్ డెవలప్‌మెంట్ ఆఫ్ మైనారిటీస్, దాయిరతుల్ మారిఫ్, ఓయూ, ఏపీ స్టేట్ హజ్ కమిటీ, ఏపీ స్టేట్ డెవలప్‌మెంట్ ప్లానింగ్ సొసైటీ, ఎక్స్‌టెన్షన్ ట్రైనింగ్ సెంటర్, రాజేంద్రనగర్, ఎక్స్‌టెన్షన్ ట్రైనింగ్ సెంటర్,

హసన్‌పర్తి, రాజీవ్ ఎడ్యుకేషన్ అండ్ ఎంప్లాయిమెంట్ మిషన్, సొసైటీ ఫర్ రూరల్ డెవలప్‌మెంట్ సర్వీసెస్, సొసైటీ ఫర్ సొషల్ ఆడిట్, అకౌంటబులిటీ అండ్ ట్రాన్స్‌పరెన్సీ, స్ట్రీనిధి క్రెడిట్స్ కోఆపరేటీవ్ ఫెడరేషన్ లిమిటెడ్, ఏపీ సర్వే ట్రైనింగ్ అకాడమి, ది అంబేద్కర్ రీసెర్చ్ అండ్ ట్రైనింగ్ ఇనిస్టిట్యూట్ , ఏపీ స్టేట్ కమిషన్ ఆఫ్ ఎస్‌సీ, ఎస్‌టీ, విక్టోరియా మెమోరియల్ హోమ్ (రెసిడెన్షియల్ స్కూల్), హైదరాబాద్, ట్రైబల్ వెల్ఫేర్ ఎడ్యుకేషన్ ఇనిస్టిట్యూషన్స్ సొసైటీ (గురుకులం), వైఎస్సార్ స్టడీ సర్కిల్ ఫర్ షెడ్యూల్ ట్రైబ్స్ (పీఈటీసీ), ఏపీ ఉమెన్స్ కమిషన్, ఏపీ సోషల్ వెల్ఫేర్ అడ్వయిజరీ బోర్డు, స్టేట్ కమిషన్ ఫర్ ప్రొటెక్షన్ ఆఫ్ ఛైల్డ్ రైట్స్, ది ట్రైనింగ్ సెంటర్ ఫర్ టీచర్స్ ఆఫ్ విజ్వుల్లీ హ్యండీకాప్‌డ్, స్టడీ సర్కిల్ ఆఫ్ డిసేబుల్డ్,

ఏపీఎస్‌ఆర్‌టీసీ ఎంప్లాయిస్ థ్రిఫ్ట్ (THRIFT) అండ్ క్రెడిట్ కోఆపరేటీవ్ సొసైటీ లిమిటెడ్, ట్రక్ ఆపరేటర్స్ హైవే ఎమినిటీస్ సొసైటీ (TOHAS), ఎన్‌సీసీ డైరెక్టరేట్, శిల్పారామం ఆర్ట్స్ క్రాఫ్ట్స్ కల్చర్ సొసైటీ, వైఎస్సార్ నేషనల్ ఇనిస్టిట్యూట్ ఆఫ్ టూరిజం అండ్ హస్సాటాలిటీ మేనేజ్‌మెంట్, స్టేట్ ఇనిస్టిట్యూట్ ఆఫ్ కరప్సనల్ అడ్మినిస్టేషన్, చంచల్‌గూడ, ఏపీ ఫైర్ సర్వీస్ అండ్ సివిల్ డిఫెన్స్ ట్రైనింగ్ ఇనిస్టిట్యూట్, వీవర్స్ ట్రైనింగ్ సెంటర్, కరీంనగర్, పవర్‌లూమ్ సర్వీస్ సెంటర్, కరీంనగర్, ఖాదీ గ్రామోద్యోగ మహా విద్యాలయ.

అధికారం తెలంగాణకే : అడ్వకేట్ జనరల్ కే రామకృష్ణారెడ్డి

ఏపీ పునర్‌వ్యవస్థీకరణ చట్టంలోని పదో షెడ్యూల్‌లో పేర్కొన్న విద్య, శిక్షణ సంస్థల్లో తెలంగాణ పరిధిలో ఉన్న వాటిపై తెలంగాణ ప్రభుత్వానికి అధికారం ఉంటుంది. ఏపీ ఉన్నత విద్యామండలి అంశంలో ఉమ్మడి హైకోర్టు ఇటీవల ఇచ్చిన ఉత్తర్వు ఇదే విషయాన్ని ధృవీకరించింది. తెలంగాణ పరిధిలో ఉన్న సంస్థల నిర్వహణ, బ్యాంక్ లావాదేవీలు, ఆస్తులపై పూర్తి అధికారం రాష్ట్ర ప్రభుత్వానికే ఉంటుంది. హైదరాబాద్ ఉమ్మడి రాజధాని కాబట్టి నగరంలో సంస్థలపై తమకు అధికారం ఉందని చెప్పే అర్హత ఏపీ ప్రభుత్వానికి లేదని హైకోర్టు ఉత్తర్వులు స్పష్టం చేస్తున్నాయి.

కావాలంటే సేవలు వినియోగించుకోవచ్చు:జీ విద్యాసాగర్, సీనియర్ న్యాయవాది

పదో షెడ్యూల్‌లో ఉన్న సంస్థలు ఏ రాష్ట్ర పరిధిలో ఉంటే ఆ రాష్ట్ర ప్రభుత్వానికి చెందుతాయంటూ పునర్‌వ్యవస్థీకరణ చట్టంలో స్పష్టంగా పేర్కొన్నారు. రాష్ట్ర ప్రభుత్వాల అభ్యర్థన మేరకు ఒక రాష్ట్రంలో ఉన్న సంస్థ సేవలను మిగితా రాష్ర్టానికి అందించే వెసలుబాటును కల్పించారు. అంతకు మించి ఆ రాష్ర్టానికి అధికారం ఉండదు.

(వార్తకై ఇక్కడ క్లిక్ చేయండి)

(నమస్తే తెలంగాణ దినపత్రిక సౌజన్యంతో)

జై తెలంగాణ!   జై జై తెలంగాణ!